Húsleitir tengdar sjálfsvígsárás

Bilal Hadfi
Bilal Hadfi AFP

Belgíska lögreglan leitaði á sex stöðum í Brussel í morgun en húsleitirnar eru tengdar sjálfsvígsárás skammt frá þjóðarleikvangi Frakka, Stade de France, á föstudagskvöldið. Sjálfsvígsárásin ein fjölmargra árása í París þetta kvöld.

Saksóknari í Brussel segir húsleitirnar tengjast Bilal Hadfi, þar á meðal fjölskyldu hans og vinum auk annarra sem tengjast honum beint.

Hadfi, 20 ára, var franskur ríkisborgari sem bjó í Belgíu en hann hafði dvalið um tíma í Sýrlandi. 

Í frétt Telegraph frá því fyrr í vikunni kemur fram að hann hafi verið í tölvunámi í tækniháskóla í bænum Diest í Belgíu árið 2013 en hætt námi eftir að hafa fallið á prófum. Skólastjórinn staðfestir það í samtali við Telegraph en segir að hann hafi ekki haft mikinn áhuga á náminu og að hugur hans hafi stefnt að því að verða flutningabílstjóri. Á meðan hann var í skólanum hafi hann verið vinafár. Aldrei hafi hvarflað að nokkrum manni að Hadfi myndi fremja voðaverk af þessu tagi. Hann hafi ekki einu sinni verið sérstaklega trúaður.

Hadfi bjó í Neder-over-Heembeek í Belgíu og hafði skömmu fyrir árásirnar hvatt til árása á vesturlöndum. Allt þar til nýlega var hann ósköp venjulegur ástríðufullur knattspyrnuaðdáandi. Einhverjir kennara hans segja að hann hafi verið lokaður og ýja að því að hann hafi þjáðst af persónuleikaröskun af einhverju tagi.

Eftir árásirnar á ritstjórnarskrifstofu Charlie Hebdo hafi skapast spenna í skólastofunni en þá taldi Hadfi að árásin hafi átt rétt á sér þar sem tímaritið hafi móðgað trú hans. Viku síðar hætti hann námi og sagði bekkjarfélögum sínum að hann ætlaði að fara til Sýrlands.

Samkvæmt Daily Mail á móður hans að hafa varað við því að sonur hennar væri tifandi tímasprengja en hún hafði ekki hitt hann síðan í febrúar þegar hann fór til Sýrlands.

Hann hafi breyst mikið um það bil mánuði áður en hann fór til Sýrlands, hætt að drekka og reykja og fastað tvo daga í viku. Hann hafi varað hana við því í síma að hún myndi deyja þar sem hún byggji í landi vantrúaðra. 

mbl.is

Frá Sýrlandi til Evrópu - Greinaflokkur

Ritverkið Reykvíkingar 1-4
til sölu fyrstu fjögur bindin (öll sem hafa komið út) af ritverkinu Reykvíkingar...
GLERFILMUR
Glerfilmur, gluggafilmur, sand& sólarfilma. Merkismenn, sími 544- 2030 www.merk...
Tölva til sölu
Til sölu Dell Optiplex GX620 borðtölva ásamt skjá, lyklaborði og mús. Er með Win...
 
Endurskoðun hveravalla
Tilkynningar
Mat á umhverfisáhrifum Endu...
Félagsstarf
Staður og stund
Árskógar 4 Félagsstarfið er með opið í s...
Deiliskipulag
Tilkynningar
Rangárþing ytra Auglýsing um skipula...
Félagsstarf aldraða
Staður og stund
Árskógum 4 Félagsstarfið er með opið í s...