Nokkrir eru látnir eftir að meira en 50 bílar lentu í stórum árekstri í fylkinu Pennsylvania í Bandaríkjunum í dag. 40 manns hafa verið fluttir á spítala og 70 í bráðabirgðaskýli meðan hlúð er að þeim.
Slysið átti sér stað 120 kílómetra norðvestur af borginni Philadelphia, en bílar og flutningabílar klesstu hver á annan og stífluðu þriggja akreina hraðbrautina. Sagt er frá málinu á vef BBC.
Samkvæmt upplýsingum frá spítala í nágrenninu voru þrír fluttir þangað lífshættulega slasaðir og þrír til viðbótar voru alvarlega meiddir. Yfirvöld hafa varað ökumenn á svæðinu við lífshættulegum akstursskilyrðum á svæðinu, en snjór og hálka er á vegum.
Pileup involving dozens of cars shuts Pennsylvania interstate amid strong winds https://t.co/NHlQkLv8oU pic.twitter.com/DtDVJE1th5
— NBC Nightly News (@NBCNightlyNews) February 13, 2016