Tekist á um Trump
Setja bókamerki
Hundruð tóku þátt í mótmælum gegn forsetaframboði Donalds Trumps í New York í gær og eins lokuðu mótmælendur nærliggjandi götum þar sem stuðningsmenn Trumps ætluðu að koma saman í gærkvöldi í Arizona. Þar kom til handalögmála og voru nokkrir tugir handteknir.
Í Tucson, Arizona var mótmælandi, sem var með skilti með andliti Trumps á með áletruninni: Slæmt fyrir Bandaríkin, barinn af aðdáanda Trumps. Í fréttum NBC mátti sjá árásarmanninn handjárnaðan og fluttan á brott af lögreglu.
Á Columbus Circle á Manhattan í New York komu mótmælendur saman í gær skammt frá skýjakljúfi auðkýfingsins Trums. Mótmælin voru hávær og mátti meðal annars heyra slagorð eins og: „Donald Trump, farðu rasistinn þinn, karlremba og hommahatari“
Mótmælendur báru einnig spjöld sem á stóð „Vísið Trump úr landi“ og „byggið vegg í kringum Trump.“ „Ég skipti á einum Donald Trump og 25 þúsund flóttamönnum.“
Þrátt fyrir mótmælin var Trump alsæll með viðtökurnar í Arizona þar sem honum var ákaft fagnað af þúsundum stuðningsmanna enda fátt sem getur komið í veg fyrir að hann verði valinn frambjóðandi repúblikana í komandi forsetakosningum.
.
Handteknir eftir myndatöku í Vesturbæjarlaug
Nemendur í HÍ reistu tjaldbúðir án leyfis
Shakespeare fannst í skókassa
Tveir í bílnum sem lenti utan vegar
/frimg/1/48/74/1487454.jpg)
Heldur inn í nóttina tuttugu kílóum léttari
Skar höfuðleðrið af íslenskri konu
Beint: Frambjóðendur skila inn listum
Væri að ljúga ef ég segðist ekki stressaður