Yfirvöld í Tyrklandi greindi frá því í dag að 13 manns, þar á meðal opinberir starfsmenn, hefðu verið hnepptir í varðhald vegna gruns um að hafa ætlað að myrða hátt settan stjórnmálamann með því að koma fyrir sprengju á grafreiði ættmenna hans.
Lögregla fann 640 kg af sprengiefni í grafreit ættingja Mehdi Eker, varaformanns AK- stjórnarflokksins og fyrrum landbúnaðarráðherra, í Diyarbakir borg þar sem mikill meirihluti íbúa eru Kúrdar.
Tyrkneska öryggislögreglan segir sprengiefnið hafa fundist degi áður en von var á Eker í árlega heimsókn hans í kirkjugarðinn, í aðdraganda Eid al-Adha trúarhátíðarinnar.
13 manns voru handtekin vegna málsins og eru sumir þeirra sagðir vera opinberir starfsmenn í Diyarbakir, sem er stærsta borgin í suðausturhluta landsins.
Töluvert hefur verið um skærur milli tyrkneskra stjórnvalda og verkamannaflokks Kúrda (PKK) frá því að vopnahlé milli þeirra var rofið á síðasta ári.
Tyrknesk stjórnvöld hafa frá því í sumar sett tugi borgar- og bæjarstjóra í suðausturhluta landsins af vegna gruns um tengsl við uppreisnarmenn