Sánchez segir af sér

Leiðtogi spænska Sósí­al­ista­flokks­ins, Pedro Sánchez, sagði af sér í dag eftir að hafa orðið undir í atkvæðagreiðslu meðal forystumanna flokksins um ríkisstjórnarsamstarf. 

Sánchez hefur barist gegn ríkisstjórnarsamstarfi með Lýðflokknum en eftir tíu klukkustunda fund í dag var ljóst að fleiri voru fylgjandi samstarfinu en andvígir.

Níu mánaða þrátefli hefur verið í stjórnmálum á Spáni og þrátt fyrir að Lýðflokkurinn hafi fengið flest atkvæði í þingkosningunum í júní þá er flokkurinn ekki með meirihluta á þingi og þarf að reiða sig á stuðning annarra flokka. 

Sósíalistaflokkurinn er í raun klofinn og á miðvikudag sögðu 17 af 35 fulltrúum í framkvæmdastjórn flokksins sig úr flokknum í mótmælaskyni við Sánchez og slæmt gengi flokksins í sveitarstjórnarkosningum nýverið bætti ekki úr skák. Hluti flokksmanna vill styðja minnihlutastjórn undir forsæti Mariano Rajoy, formanns Lýðflokksins, en Sánchez og fylgismenn hans voru því andsnúnir. 

• 1 blogg um fréttina

Bloggað um fréttina

• Örn Sævar Þorleifsson: Sanchez segir af sér