Efnilegur ungur stórmeistari í skák, Yurí Elíseev, féll til bana er hann freistaði þess að komast milli tveggja svala á íbúðablokk í Moskvu.
Að sögn lögreglu var Elíssev áhugamaður um svonefndar parkour-íþróttir, jaðaríþrótt þar sem við sögu koma klifur, stallastökk og afbrigði af fimleikum. Féll hann til bana af svölum á tólftu hæð blokkarinnar sem hann bjó í seint í gærkvöldi, laugardag.
Eliseev var aðeins tvítugur. Hann varð heimsmeistari 16 ára og yngri í skák árið 2012 og vann stórmeistaratitil aðeins 17 ára að aldri.