Liðsmenn bresku hljómsveitarinnar Viola Beach létust samstundis er bifreið þeirra fór út af brú í
<span>Södertälje í Suður-Svíþjóð fyrr á árinu. Þetta kom fram við réttarrannsókn á bílslysinu í gær. </span> <span><span>Þeir Jack Dakin, Kris Leonard, Tomas Lowe og River Reeves létust ásamt umboðsmanni sínum, Craig Tarry, 13. febrúar þegar bifreið þeirra féll rúmlega 25 metra af brú, suðvestur af Stokkhólmi, er þeir voru á heimleið eftir tónleika í <span>Norrköping.</span></span></span> <a href="http://www.thelocal.se/page/view/tag/"></a>Enn hefur ekki tekist að finna skýringu á slysinu og breskur dánardómstjóri sagði við réttarrannsóknina í Warrington í gær að hann efist um að skýringin komi nokkurn tíma í ljós.
Engin merki um eiturlyf fundust í blóði hljómsveitarmanna og aðeins örlítið magn áfengis. Hvorki áfengi né eiturlyf fundust í blóði umboðsmanns þeirra sem ók bifreiðinni þegar banaslysið varð.
Bifreiðinni var ekið á 108 km hraða þegar hún kom að brúnni en hámarkshraði þar er 100 km á klst. Eitt viðvörunarljós var bilað við brúna en tíu önnur ljós voru í lagi og blikkuðu þegar komið var að brúnni. Þegar slysið varð var bifreiðinni ekið á 70-90 km hraða.
Dánardómstjórinn, Nicholas Rheinberg, segir að umboðsmaður hljómsveitarinnar, Craig Tarry, 32 ára, og þrír félagar í hljómsveitinni, Jack Dakin, Kris Leonard og River Reeves, sem allir voru 19 ára, hafi látist af völdum höfuðáverka. Bassaleikari sveitarinnar, Tomas Lowe, 27 ára, drukknaði aftur á móti.
„Enginn þeirra þjáðist,“ sagði Rheinberg við réttarrannsóknina í gær, segir í frétt <a href="http://www.aftonbladet.se/nojesbladet/article24060454.ab" target="_blank">Aftonbladet</a>.
<a href="/folk/frettir/2016/08/06/plata_viola_beach_beint_a_toppinn/" target="_blank">Frétt mbl.is: Plata Vioala Beach beint á toppinn</a>