Tveir hryðjuverkamenn sprengdu sig upp í borginni Jedda í Sádi-Arabíu í dag eftir að hafa skipst á skotum við sérsveitarmenn. Félagi þeirra var handtekinn í aðgerð lögreglunnar annars staðar í borginni.

Lögreglan gerði áhlaup á hús sem mennirnir héldu til í en þar voru framleidd sprengjubelti og annar búnaður til að nota við hryðjuverk. Mennirnir skutu á lögreglu sem svaraði á sama hátt, samkvæmt tilkynningu frá innanríkisráðuneytinu.

Í stað þess að gefast upp virkjuðu þeir sprengjubelti sín, segir í tilkynningunni. Á myndum sem birtar voru á Twitter sést að eldur logar í húsinu.

Þriðji maðurinn er talinn tengjast tvímenningunum sem sprengdu sig upp. Hann var handtekinn ásamt pakistanskri konu sem hann sagði að væri eiginkona sín. 

Tengdar fréttir

Ríki íslams

Neita að tjá sig um Ríki íslams

• Vara við hugsanlegum hryðjuverkum í Moskvu
• Ekki vitað um aðra ISIS-liða
• Ríki íslams lýsir árásinni á hendur sér
• Leiðtogi Ríkis íslams sagður látinn

» Fleiri tengdar fréttir

• Blogga um frétt