Barn skotið í beinni á Facebook

Lögreglan rannsakar vettvang árásarinnar í Chicago.
Lögreglan rannsakar vettvang árásarinnar í Chicago. AFP

Tveggja ára drengur og 26 ára frændi hans voru skotnir til bana í beinni útsendingu á Facebook. Árásin var gerð í Chicago. Frændurnir voru við þriðja mann í bíl sem setið var um og skotið á. Drengurinn sat í aftursæti bifreiðarinnar. Hann var skotinn í höfuðið og lést af sárum sínum á sjúkrahúsi. 

Hann er þriðja barnið sem er skotið til bana í borginni á fjórum dögum, segir í frétt Sky sjónvarpsstöðvarinnar um málið.

Frændi hans og frænka sátu í framsætum bílsins. Þau voru að sýna bílferðina í beinni útsendingu á Facebook. Þau voru að syngja með lagi í útvarpinu er skotið var á bílinn með fyrrgreindum afleiðingum.

Konan lifði árásina af. Hún er ólétt og varð barn hennar ekki fyrir skaða. Á upptökunni má heyra hana öskra og forða sér út úr bílnum.

Lögreglan segir að frændi litla drengsins, sem sat í framsæti bílsins, hafi verið skotmark árásarmannanna. Árásin er sögð tengjast stríði glæpagengja í borginni.

„Þessu verður að ljúka,“ hefur Sky eftir lögreglustjóranum Eddie Johnson. Hann sagði að börn ættu ekki að líða fyrir vangetu stjórnvalda til að hafa hendur í hári síbrotamanna. „Ég er kominn með nóg og ég veit að íbúar Chicago eru búnir að fá nóg.“

Á laugardag var ellefu ára stúlka skotin í höfuðið í bíl í suðurhluta borgarinnar. Hún lést á sjúkrahúsi. Þá var tólf ára stúlka skotin sama dag þar sem hún var að leika sér á skólalóð. Hún er nú látin.

Donald Trump Bandaríkjaforseti hefur ítrekað lýst yfir áhyggjum sínum á vaxandi ofbeldi í Chicago. Hann hefur hótað því að senda alríkislögregluna á vettvang. 

Það sem af er ári hafa 63 morð verið framin í borginni. Á síðasta ári voru morðin 750 og skotárásirnar 3.500.

mbl.is

Frá Sýrlandi til Evrópu - Greinaflokkur

antik flott innskotsborð innlögp plata
er me falleg innskotsborð,innlögð rós í plötu í góðu standi.fæst á 45,000 kr sí...
Kia Ceed 2012 árgerð
Til Sölu Kia Ceed, Dísel Tjónalaus Keyrður 72.xxx km Sjálfskiptur Reyklaust ...
SUMARFRÍ Í SÓL & HITA Í VENTURA FLORIDA
Glæsilegt HÚS til leigu v. 18 holu golfv, 3 svh. 2 bh.,1 wc, stór stofa, eldhús ...
Rafhlöður fyrir neyðarljós allar gerðir
Með lóðeyrum, vírum eða tengjum. Smíðum allar gerðir af neyðarljósarafhlöðum . N...
 
Félagsstarf
Staður og stund
Aflagrandi 40 Opin vinnustofa kl. 9, for...
Félagsstarf
Staður og stund
Aflagrandi 40 Opin vinnustofa kl. 9 og b...
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Samþykkt breyting á deiliskipulagi
Tilkynningar
Samþykkt breyting á deiliskipulagi Da...