Alls sögðu 51,5% já í þjóðaratkvæðagreiðslu um breytingar á stjórnarskrá Tyrklands sem veita forseta landsins aukin völd. Nei sögðu 48,5% en alls hafa 96% atkvæða verið talin. Þetta þýðir að Recep Tayyip Erdoğan getur gegnt embætti forseta til ársins 2029.

Stuðningsmenn hans er að vonum ánægðir með niðurstöðuna og segja hana boða tíma framfara í landinu, einkum á sviði þingsins, en andstæðingar hans efast um niðurstöðu kosninganna og telja að með þessu fái forsetinn óeðlilega mikil völd. 

Þetta þýðir að gerðar verða mestu breytingar á stjórnarskrá Tyrklands frá því landið var lýðræðisríki fyrir tæpri öld síðan. Forsetinn fær heimild til þess að tilnefna ráðherra í ríkisstjórn landsins, gefa út forsetatilskipanir, velja æðstu dómara landsins og víkja þinginu frá. Með þessu verður verulega dregið úr völdum forsætisráðherra og allt embættiskerfið verður fært í hendur forseta. 

Alls voru 55 milljónir Tyrkja á kjörskrá og var kjörsókn mikil.

Tengdar fréttir

Tyrkland

Tyrkir vilji hleypa nýju pólitísku andrúmslofti inn

• Átök í Tyrklandi á kjördag
• Erdogan ýjar að starfslokum sínum
• Myndskeið: Erdogan syngur fyrir aðdáendur
• Staðfestir sigur Erdogans

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Klofin þjóð sem aldrei fyrr.