Stjórnvöld í Venesúela ætla að senda hersveitir á svæði í vesturhluta landsins þar sem mikið hefur verið um gripdeildir og árásir á meðan á mótmælum gegn ríkisstjórn landsins hefur staðið.

„Ég hef fyrirskipað flutning tvö þúsund hermanna og 600 sérsveitarmanna,“ til Tachira sem er við kólumbísku landamærin, sagði Vladimir Padrino Lopez, varnarmálaráðherra Venesúela.

Uppþot hafa verið tíð í Venesúela undanfarnar sex vikur vegna þess hvernig forsetinn Nicolas Maduro hefur tekið á efnahags- og stjórnmálavanda þjóðarinnar.

Að sögn yfirvalda var brotist inn í tuttugu fyrirtæki í Tachira, auk þess sem kveikt var í tveimur lögreglustöðvum. Eldsprengjum var einnig varpað á herstöð.

Tengdar fréttir

Venesúela

Íbúar Venesúela flýja til Kólumbíu

• Skrá sig á Only Fans til að létta róðurinn
• Deilan um gullforða Venesúela heldur áfram
• Rétta yfir bandarískum „málaliðum“
• „Valdaránið“ tengist ekki Bandaríkjastjórn

» Fleiri tengdar fréttir

• Blogga um frétt