Akfeitur api fer í megrun

Taílenskir apar treysta oft á túrista þegar kemur að kræsingum.
Taílenskir apar treysta oft á túrista þegar kemur að kræsingum. AFP

Taílenski apinn „Feiti frændi“, sem á við offituvandamál að stríða, hefur verið sendur í megrun. Þetta kemur fram á vefsíðu Guardian í dag. Apinn fitnaði á skyndibitamat, gosdrykkjum og matarafgöngum túrista.

Akfeiti apinn hefur notið vinsælda á netinu og fékk nafn sitt frá bæjarbúum. Þeir sem vinna að verndun dýralífs fönguðu villta apann eftir mikla mynddreifingu af honum á samfélagsmiðlum.

„Það var ekki auðvelt að fanga hann,“ segir Kacha Phukem, dýraverndarembættismaður sem stjórnaði föngun „Feita frænda“. „Hann var leiðtogi hópsins og þegar ég reyndi að ná til hans þurfti ég að halda frá mér apahjörðinni með priki.“ Lægra settu aparnir ýttu einnig undir slæma siði „Feita frænda“ en það voru þeir sem útveguðu honum matinn.

„Feiti frændi“ er talinn vera milli 10 og 15 ára gamall. Apinn vegur 26 kíló, þrisvar sinnum meira en telst ráðlagt. Supakarn Kaewchot, sem stjórnar mataræði apans, segir apann þungt haldinn af offitu og heilsuvandamálum. Hún segir hann jafnframt vera í mikilli hættu að fá hjartasjúkdóma og sykursýki.

Apinn verður nú í umsjá dýralækna í nokkra mánuði, sem munu sjá til þess að mataræði hans samanstandi aðeins af fitulitlu próteini, ávöxtum og grænmeti, tvisvar á dag. Að megrun lokinni verður „Feita frænda“ sleppt frískum út í náttúruna.  

Supakarn segir „Feita frænda“ gott dæmi um af hverju fólk eigi ekki að gefa villtum öpum óhollan mat. „Þetta er afar slæmt fyrir heilsu þeirra og vandamálið er algjörlega af mannavöldum.“

mbl.is

Frá Sýrlandi til Evrópu - Greinaflokkur

Borðstofustólar til sölu
10 stk. af notuðum borðstofustólum til sölu á kr. 1.500 kr stk. seljast helst a...
PÚSTKERFI Á HAGSTÆÐU VERÐI
Eigum fyrirlyggjandi PÚSTKERFI í flestar tegundir bifreiða. Einnig STÝRISLIÐI ...
Skrifstofugámar til sölu
Björgunarsveitin Suðurnes er með 3 vel farna skrifstofugáma til sölu. Upplýsinga...
 
Eldri borgarar
Staður og stund
Aflagrandi 40 Opin vinnustofa kl. 9 og g...
Framhald
Nauðungarsala
Uppboð Einnig birt á www.naudungarsolu...
Almennt útboð mobile first
Tilboð - útboð
Almennt útboð MOBILE FIR...
Hádegisfundur ses
Fundir - mannfagnaðir
ses.xd.is Samtök eldri sjálfstæði...