Væntanlega hefur Justin Trudeau, forsætisráðherra Kanada, ekki átt von á því að verða myndaður með útskriftarnemendum í sínu fínasta pússi þegar hann var úti að skokka á föstudaginn. Hann hljóp um Stanley Park Seawall sem er eftirsótt útivistarsvæði í borginni Vancouver þegar hann hljóp fram hjá fyrrnefndum hópi nemenda og náðist á mynd. BBC greinir frá.
Nemendurnir voru ekki lengi að átta sig á að forsætisráðherrann sjálfur kom hlaupandi á móti þeim í stuttbuxum og stuttermabol. Þeir kölluðu á eftir honum og báðu hann um að sitja fyrir með þeim á mynd.
„Við vorum bara að hanga og taka myndir af okkur þegar Trudeau kemur hlaupandi,“ segir Constantine Maragos, einn af nemendunum. Viðbrögð þeirra létu ekki á sér standa og vildu þeir ólmir fá fleiri myndir af sér með honum. Trudeau tók vel í uppátækið og var með hópnum á „hópsjálfu“.
„Við vorum steinhissa,“ segir Margos jafnframt.
Sögunni fylgir ekki hversu langt Trudeau hugðist skokka þennan daginn.
wait till you see it.
— tom foolery (@Occupy108) May 20, 2017
this picture had the caption "prom season in vancouver."@thevinetwayway pic.twitter.com/taphOUEIzh