Nota íbúa sem mannlega skildi

Íraskur hermaður fylgir barni út úr hverfi sem var á ...
Íraskur hermaður fylgir barni út úr hverfi sem var á yfirráðum vígamanna Ríkis íslams í Mosúl. AFP

Vígamenn Ríkis íslams hafa í haldi meira en 100 þúsund óbreytta borgara í borginni Mosúl í Írak og nota þá sem mannlega skildi. Þeir tefla fólkinu fram til að verjast áhlaupum stjórnarhersins sem hefur undanfarnar vikur hægt og bítandi verið að reyna að ná yfirráðum í borginni úr höndum hryðjuverkasamtakanna.

Frá þessu greindi Bruno Geddo, yfirmaður Flóttamannastofnunar Sameinuðu þjóðanna í Írak, á blaðamannafundi í Genf í dag. 

Geddo segir að vígamennirnir hafi fangað fólk í nágrenni borgarinnar og farið með það nauðugt inn í elsta borgarhlutann en það svæði er eitt af fáum þar sem samtökin fara enn með völdin.

Bardagar geisa allt í kring

„Þessum borgurum er einfaldlega haldið þarna sem mannlegum skjöldum,“ sagði Geddo. Fólkið hefur nær ekkert að borða, ekkert rennandi vatn er á svæðinu og sömuleiðis ekkert rafmagn. „Það býr við ástand sem fer sífellt versnandi þar sem hræðsla og örbirgð ræður ríkjum. Bardagar geisa allt í kringum það.“

Geddo segir að leyniskyttur felli alla þá sem reyni að flýja undan stjórn vígamannanna. Þeir fáu sem nái að forða sér séu í gríðarlegu áfalli eftir raunir sínar. 

Fyrir níu mánuðum hóf íraski herinn áhlaup á Mosúl sem hafði verið á valdi Ríkis íslams mánuðum saman. Greiðlega gekk að frelsa austurhluta borgarinnar en í þeim vestari er staða vígamannanna sterkari. 

Tæplega 700 þúsund manns hafa flúið borgina og þarfnast aðstoðar hjálparsamtaka og stofnana. Flóttamannastofnun Sameinuðu þjóðanna hefur sett upp þrettán búðir fyrir flóttafólkið.

mbl.is

Frá Sýrlandi til Evrópu - Greinaflokkur

Clavis poetica
Clavis Poetica, Benedikt Gröndal/Sveinbjörn Egilsson, Hafnia 1864. Uppl. í s. 77...
Hobby hjólhýsi
Hobby - hjólhýsi DE LUXE 460 LU 2016, sólarsell 100W A- Class, gaskútar, grjótgr...
Hyundai Getz 2008
Til sölu Hyundai Getz, 2008 árgerð. Ekinn 136.000 km. 5 dyra, beinskiptur. Skoða...
Kaupi notaðar hljómplötur. Sími 696 1909.
Kaupi notaðar hljómplötur. Sími 696 1909....
 
Deiliskipulag
Tilkynningar
Rangárþing ytra Auglýsing um skipula...
Félagstarf aldraðra
Staður og stund
Árskógum 4 Félagsstarfið er með opið í s...
Skipulagsauglýsing
Tilkynningar
Borgarbyggð Skipulagsauglýsingar Sv...
Framhald
Nauðungarsala
Uppboð Einnig birt á www.naudungarsolu...