Enginn fundur á meðan bönn eru við lýði

Mohammed bin Abdulrahman al-Thani utanríkisráðherra á blaðamannafundi í Doha.
Mohammed bin Abdulrahman al-Thani utanríkisráðherra á blaðamannafundi í Doha. AFP

Utanríkisráðherra Katar krefst þess að nágrannaríki aflétti viðskiptabanni og öðrum þvingunum á landið áður en fundað verði um stöðu mála á Arabíuskaga. Tilgangur fundarins er að bæta samskipti landanna, sem hafa stirðnað verulega upp á síðkastið.

Mohammed bin Abdulrahman Al-Thani utanríkisráðherra segir að aðgerðir sem gripið hafi verið til af hálfu nokkurra nágrannaríkja séu til marks um yfirgang þeirra gagnvart Katar. Löndin sem tóku sig saman um að slíta tengsl við Katar og setja á viðskiptabönn eru Sádi-Arabía, Sameinuðu arabísku furstadæmin, Barein og Egyptaland. Ráðherrann fer fram á að bönnum verði aflétt áður en fundur fulltrúa ríkjanna fer fram. 

„Við verðum að gera öllum það ljóst að samningaviðbræður verða að fara fram með siðmenntuðum hætti og eiga að byggja á traustum grunni og ekki undir neinum þrýstingi frá viðskiptahöftum,“ sagði ráðherrann við blaðamenn í höfuðborginni Doha. „Ef bönn verða gagnvart Katar verða engar viðræður. Þeir verða að aflétta bönnunum.“

Lokuðu landamærunum

5. júní slitu löndin öllum tengslum við Katar. Þau kölluðu sendiherra sína heim og skipuðu Katörum að snúa aftur til síns heima fyrir 19. júní. 

Löndin lokuðu líka landamærunum að Katar og bönnuðu flugvélum þaðan að koma inn í lofthelgi sína. Þá bönnuðu þeir einnig Katörum að ferðast um flugvelli landanna. 

Löndin sem standa að viðskiptabönnunum saka Katar um að styðja hryðjuverkahópa og fjármagna hryðjuverk. Þá saka þau stjórnvöld í Katar einnig um að vinna með Írönum, erkifjendum Sádi-Araba. Þessu hafna stjórnvöld í Katar alfarið.

Ráðherra í Sameinuðu arabísku furstadæmunum hefur varað við því að einangrun Katar gæti staðið árum saman. 

mbl.is

Frá Sýrlandi til Evrópu - Greinaflokkur

Skrifborðsnuddari Verð 14.900 Olíu og vatnsheldur
Skrifborðsnuddari Verð 14.900 Olíu og vatnsheldur Ferðataska fylgir beige og...
NUDD- LÁTTU DEKRA VIÐ ÞIG.
HEITIR STEINAR OG OLIA- STURTA OG HANDKLÆÐI Á STAÐNUM NUDD GEFUR SLÖKUN OG...
Til Sölu: NISSAN TERRANO II jeppi 1995 kr. 175.000. Skoðun til mars 2018
Góð dísilvél keyrð 200 þ Bíll keyrður 328þ. Breytttur, nýleg 32 tommu IRONMAN ...
Olíumálverk eftir Ásgrím Jónsson
Olíumálverk eftir Ásgrím Jónsson, málað í Húsafelli. Stærð ca. 70x63 cm. Uppl í ...
 
Félagsstarf
Staður og stund
Árskógar 4 Félagsstarfið er með opið í s...
Söluturn til sölu góður söluturn og sp
Til sölu
Söluturn Til sölu góður söluturn og ...
Félagsstarf aldraðra
Staður og stund
Árskógum 4 Félagsstarfið er með opið í s...
Samkoma
Félagsstarf
Samkoma kl. 20 í Kristniboðs- salnum. R...