„Látið hetjurnar okkar í friði“

Forsætisráðherra Svíþjóðar, Stefan Löfven.
Forsætisráðherra Svíþjóðar, Stefan Löfven. AFP

Forsætisráðherra Svíþjóðar, Stefan Löfven, gagnrýndi árásir á lögreglu og bráðaliða í ræðu sem hann hann flutti á stjórnmálaþinginu Järvafältet í úthverfi Stokkhólms í gær. „Látið hetjurnar okkar í friði,“ sagði forsætisráðherrann.

Hann hét því að stjórnvöld myndu auka viðbúnað í baráttunni gegn fíkniefnum en Löfven var síðasti ræðumaðurinn á þinginu sem lauk í gær.

Löfven heitir hertum aðgerðum gegn glæpamönnum og aukin áhersla verði lögð á að stöðva viðskipti með fíkniefni. Hann segir að glæpamenn sem eru dæmdir í fangelsi eigi að fá meðferð við eiturlyfjafíkn í fangelsi. Þeir sem þiggi slíka meðferð njóti góðs af því varðandi refsingu.

Mjög er rætt um fíkniefnaviðskipti og aðra glæpastarfsemi í Svíþjóð og sýnist hverjum sitt í þeim málaflokki. Löfven telur að það eigi að auðvelda lögreglu að setja upp eftirlitsmyndavélar á mikilvægum stöðum því allir eigi að geta gengið heim úr lestinni án þess að óttast um líf sitt og eins eigi fólk að geta verið öruggt á opinberum stöðum, svo sem torgum.

Löfven hét einnig hertum refsingum við árásum á lögreglu, slökkviliðsmenn eða bráðaliða.

Forsætisráðherrann gerði einnig jafnréttismál að umræðuefni í ræðu sinni. En ýmsar baráttukonur fyrir jafnrétti kvenna hafa kvartað undan aðgerðum sem miði að því að drga úr frelsi kvenna í úthverfum borga.

„Þegar ég frétti af einhverjum sjálfskipuðum siðgæðisvörðum sem telja sig hafa rétt á að ákveða hvar konum eigi að vera heimilt að vera, hvernig þær eigi að klæðast og hvernig þær eiga að hegða sér. Feður, bræður og karlkyns ættingjar sem beita kúgunum og ofbeldi gera mig brjálaðan,“ sagði Löfven einnig í ræðu sinni.

Á meðan Löfven talaði stóðu tveir hópar fyrir þögulum mótmælum. Annar hópurinn mótmælti brottvísun barna á flótta úr landi og annar hópur mótmæli brottvísun sérfræðinga úr landi. Þar er um að ræða ákvörðun sem tekin var um að endurnýja ekki atvinnuleyfi fólks sem hefur starfað samkvæmt sérstöku atvinnuleyfi í Svíþjóð.

Aftonbladet

mbl.is

Frá Sýrlandi til Evrópu - Greinaflokkur

Vatnshitarar fyrir sumarhús.
Ýmsar gerðir af vatnshiturum 3300w til 21000w fyrir sumarhús, þessi búnaður er f...
Ódýr Ferðanuddbekkur nokkur stk 46.000 www.egat.is
- Hægt að hækka og lækka bak eins og hentar - Ferðataska fylgir ...
Mig vantar gott heimili
Ég er Gringo og er 5 ára gamall Labrador. Mig vantar nýja og góða eigendur. Vi...
 
Atvinna óskast
Starf óskast
Atvinna óskast Véliðnfræðingur / vél...
Eldri borgarar
Staður og stund
Árskógar 4 Opin smíðastofa kl. 9-16. Opi...
Lækjarmel 12
Atvinnuhúsnæði
Stórglæsilegt iðnaðarhúsnæði Lækjarme...
Framkvæmdastjóri dómstólasýslunnar
Önnur störf
Framkvæmdastjóri dómstólasýslunnar Stj...