Mynduðu nauðgun á unglingsstúlku

Þrír unglingsdrengir komu fyrir rétt í dag í borginni Bloemfontein í Suður-Afríku í kjölfar þess að myndband var birt á netinu í síðustu viku sem sýnir þá nauðga 14 ára stúlku. Drengirnir, sem eru 15, 16 og 17 ára, voru handteknir í kjölfarið og ákærðir.

Fram kemur í frétt AFP að einn af drengjunum sé ennfremur ákærður fyrir að dreifa klámfengnu efni. Drengirnir tóku ekki afstöðu til ákærunnar fyrir dómi í dag og munu koma aftur fyrir dóm 27. júní. 

Tíðni kynferðisbrota í Suður-Afríku er ein sú hæsta í heiminum segir í fréttinni.

• Blogga um frétt