Vill deyja áður en líkaminn verður grafhýsi

Conway vill kalla fram breytingu á lögum sem myndu heimila ...
Conway vill kalla fram breytingu á lögum sem myndu heimila læknum að aðstoða dauðvona einstaklinga við að deyja á sínum forsendum. Mynd/Dignity in Dying

Landsréttur Bretlands tekur nú fyrir mál Noel Conway sem þjáist af taugahrörnunarsjúkdómnum MND og vill fá aðstoð við að deyja þegar honum hentar. Hann vill læknir ávísi honum banvænum lyfjaskammti þegar heilsu hans fer að hraka enn frekar. Slíkt er hins vegar ólöglegt í Bretlandi og ætti sá læknir sem yrði við ósk hans yfir höfði sér allt að 14 ára fangelsisdóm. BBC greinir frá.

Conway sem er 67 ára gamall segist vilja fá að kveðja ættingja sína og vini á meðan hann getur það. Hann vill ekki þurfa að lifa eins og uppvakningur og þjást bæði á líkama og sál. Hann nú þegar orðinn svo veikburða að hann gat ekki ekki mætt í dómssal þegar málið var þingfest.

Richard Gordon, lögmaður Conway, talaði máli skjólstæðings síns fyrir dómi og sagði þetta snúast um að hafa val um að deyja á meðan gæti eitthvað haft um það að segja, eða að þurfa að bíða dauðans bjargarlaus að öllu leyti.

Conway vill ná fram breytingu á lögunum þannig að fullorðnir einstaklingar með banvæna sjúkdóma, sem eiga innan við sex mánuði eftir ólifaða, fái aðstoð við að taka líf sitt, kjósi þeir svo.

Conway var háskólaprófessor í góðu formi þegar hann varð fyrst var við sjúkdóminn. Hrörnunin hefur ágerst hratt og hann hefur misst mestallan mátt í vöðvum sínum. Hann er bundinn við hjólastól og þarf á öndunarvél að halda. Hann óttast að líkami hans verði að grafhýsi.

Hann hefur notið stuðnings samtaka sem kalla sig Dáið með reisn, eða Dignity in Dying, en málefnið er vissulega mjög umdeilt. Talsmaður réttinda fatlaðra telur að lagabreyting myndi gefa röng skilaboð út í samfélagið.

Síðasta var gerð tilraun til að ná fram breytingu á lögunum fyrir þremur árum, en niðurstaða Hæstaréttar var sú að það væri þingsins að breyta lögunum. Þeim yrði ekki breytt með fordæmisgefandi dómi. Árið 2015 var frumvarpi um að leyfa deyjandi sjúklingum að fá aðstoð við að deyja á sínum forsendum, hafnað þinginu.

mbl.is

Frá Sýrlandi til Evrópu - Greinaflokkur

Notalegir inniskór
Notalegir inniskór Teg. 005 - stærðir 37-42- verð kr. 4.500,- Teg. 629 - stærðir...
LOFTASTIGAR _ LÚGUSTIGAR _ LÍKA EFTIR MÁLI
Vel einangraðir lofta/lúgu stigar, 68x85 og 55x113, smíðum líka eftir máli. Álst...
STIGAR OG HANDRIÐ ALLAR MÖGULEGAR GERÐIR
Sjá meðal annars: http://www.youtube.com/watch?v=73dIQgOl2JQ&feature=channel L...
Innfluttningur á enn betra verði fyrir alla
Hjálpum fólki að útvega allt frá Bretlandi á mun lægra verði sem viðkemur vinnu...
 
Arkitekt/byggingafræðingur
Sérfræðistörf
VIÐ ERUM AÐ RÁÐA! ARKITEKT // BYGGIN...
Félagsstarf
Staður og stund
Aflagrandi 40 Opin vinnustofa kl. 9 og j...
Samkoma
Félagsstarf
Söngsamkoma kl. 20 í Kristni- boðssalnu...
L helgafell 6017121319 vi
Félagsstarf
? HELGAFELL 6017121319 VI Mynd af au...