10 ára fórnarlamb nauðgunar fæðir barn

Tíu ára indversk stúlka, sem Hæstiréttur Indlands neitaði fyrr í sumar um fóstureyðingu eftir að frændi hennar nauðgaði henni, hefur nú alið barnið. Ákvörðun réttarins var tek­in á þeim grund­velli að stúlk­an væri kom­in of langt á leið. 

BBC segir stúlkunni aldrei hafa verið greint frá því að hún væri ólétt, né heldur hefði hún vitneskju um að hún hefði alið barn. 

Frétt af mbl.is

10 ára neitað um fóstureyðingu

Fæðingin átti sér stað á ríkissjúkrahúsinu Chandigarh nú í morgun og er móður og barni sagt heilsast vel.

Hóp­ur lækna var feng­inn til þess að meta hvort ör­uggt væri fyr­ir stúlk­una að fara í fóst­ur­eyðingu er mál hennar fór fyrir dómstóla. Var niðurstaða lækn­anna að það væri „of áhættu­samt“ fyrir hana að fara í slíka aðgerð þar sem hún var þá kom­in 32 vik­ur á leið.

Upp komst að stúlk­an væri ólétt þegar for­eldr­ar henn­ar fóru með hana til lækn­is eft­ir að hún kvartaði und­an maga­verk.

• Blogga um frétt