Takmarka erlendar fjárfestingar Kínverja

Xi Jinping var afslappaður á fundi í Höll fólksins í ...
Xi Jinping var afslappaður á fundi í Höll fólksins í Peking í gær. AFP

Stjórnvöld í Kína stefna að því að takmarka fjárfestingar kínverskra fyrirtækja í fasteignum og fyritækjum erlendis. Á vef Business Insider segir að tillögurnar komi í kjölfar þess að kínversk fyrirtæki hafi fjárfest fyrir háar fjárhæðir á Vesturlöndum.

Í skjali sem ríkisráð Kína birti í dag kemur fram að erlendar fjárfestingar í hótelum, kvikmynda- og skemmtanabransanum og íþróttafélögum verði takmarkaðar. Þá verður með öllu tekið fyrir fjárfestingar í fyrirtækjum tengdum fjárhættuspilum og vændi.

Samtímis eru fyrirtæki hvött til að leggja fé í opinbera samgönguáætlun kínverskra stjórnvalda, sem á ensku nefnist Belt and Road Initiative, en þar er á ferð metnaðarfyllsta verkefni Kínastjórnar á erlendri grundu og snýst um að tengja Kína betur við aðra hluta Asíu og Austur-Evrópu með hraðbrautum, lestum og höfnum.

„Það felast mikil tækifæri fyrir okkar þjóð í fjárfestingum erlendis, en að sama skapi fylgja því áskoranir og áhætta,“ segir í skjalinu. Með nýjum reglum vonast ríkisstjórnin til að styðja við það sem hún kallar „rökrétta erlenda fjárfestingu“.

Nýju reglurnar eru liður í áætlun Xi Jinping forsætisráðherra um að herða tök ríkisins á hagkerfinu.

mbl.is

Frá Sýrlandi til Evrópu - Greinaflokkur

Sumarbústaðalóðir til sölu í Vaðnesi
Til sölu fallegar sumarhúsalóðir með aðgangi að heitu og köldu vatni í vinsælu s...
Faglærður húsasmiður .
B.Bollason ehf. Byggingaverktaki. Tek að mér smíðavinnu fyrir einstaklinga og f...
HERRAMENN ÚTI Á LANDI- EF ÞIÐ HAFIÐ EKKI TIMA Í BÚÐARRÁP MEÐ FRÚNNI.
þÁ ER EG TIL STAÐAR . Öruggur bíll og bílstjóri- sækji á flugvöll eða rútu- veit...
 
Framhald uppboðs
Nauðungarsala
Uppboð Einnig birt á www.naudungarsolu...
Framhald uppboðs
Nauðungarsala
Uppboð Einnig birt á www.naudungarsolu...
Samkoma
Félagsstarf
Samkoma kl. 20 í Kristniboðs- salnum. R...
Félagsstarf
Staður og stund
Aflagrandi 40 Opin vinnustofa kl. 9 og f...