Má ekki heita Fañch

AFP

Dómstóll í Frakklandi bannaði í dag pari að skíra barnið sitt nafninu Fañch á þeim forsendum að bókstafurinn „ñ“ samrýmdist hvorki frönskum lögum né franskri tungu.

Fram kemur í frétt AFP að parið, sem er frá Bretóníuskaga í Frakklandi, hafi viljað skíra drenginn sinn Fañch sem er hefðbundið nafn á svæðinu en íbúar þess eiga sitt eigið tungumál. Dómstólinn, sem er í bænum Quimper, hafi litið öðruvísi á málið.

Dómstóllinn komst að þeirri niðurstöðu að þó það væri almennt í verkahring foreldra að gefa börnum sínum nöfn yrðu ákveðin takmörk að gilda í þeim efnum „þegar kemur að því að nota stafsetningu sem inniheldur tákn sem ekki eiga heima í franskri tungu.“

Enbættismaður í Quimper hafði áður neitað að rita nafnið Fañch á fæðingarvottorð drengsins en síðan skipt um skoðun nokkrum dögum síðar. Drengurinn fæddist í maí á þessu ári og hefur þegar fengið nafnskírteini og vegabréf með nafninu.

Faðir drengsins, Jean-Christophe Bernard, sagði að baráttunni væri alls ekki lokið. Sonur hans skyldi fá að bera þetta nafn. „Hvenær vitum við ekki. Við munum kanna í samráði við lögmann okkar og bæjarskrifstofuna hvað hægt er að gera.“

mbl.is

Frá Sýrlandi til Evrópu - Greinaflokkur

Heimili í borginni- www.eyjasolibudir.is
Fallegar 2-3ja herb. íbúðir fyrir fjölskyldur og erlenda ferðamenn . ALLT til AL...
Bátakerru stolið
Þessari kerru var stolið um Hvítasunnuhelgina í bryggjuhverfinu í Reykjavík. Þei...
Crystal clean spray
Crystal clean spray, silver spray og multimedia hreinsispray komið. Slovak Krist...
 
Framhald uppboðs
Nauðungarsala
Uppboð Einnig birt á www.naudungarsolu...
Eldri borgarar
Staður og stund
Aflagrandi 40 Opin vinnustofa kl. 9 og j...
Aðalfundur
Fundir - mannfagnaðir
Aðalfundur Aðalfundur Vör...
Samkoma
Félagsstarf
Samkoma kl. 20 í Kristniboðs- salnum. R...