Kosningar jafnkósý og freyðibað

Að kjósa getur verið alveg jafnkósý og að fara í ...
Að kjósa getur verið alveg jafnkósý og að fara í freyðibað. Það segir fyrirsætan Palina Rojinski að minnsta kosti. Skjáskot/Youtube

Getur ofurfyrirsæta í freyðibaði með freyðivín og kökusneið fengið þýskar konur til að nýta kosningarétt sinn? Því trúa útgefendur þýskra tímarita sem höfða til kvenna sem hafa farið af stað með heldur óhefðbundna herferð vegna þingkosninga sem fram fara í Þýskalandi á sunnudag.

Í frétt Politiken um herferðina kemur fram að fleiri konur en karlar eru á kjörskrá í Þýskalandi en konur nýta kosningarétt sinn síður en karlarnir.

Þingkosningar fara fram í Þýskalandi 24. september og til að hvetja konur til að nýta kosningaréttinn hafa 23 þýsk tímarit og útgefendur þeirra tekið sig saman og blásið til herferðar undir myllumerkinu #gerwomany.

Meðal tímarita sem taka þátt í herferðinni eru Vogue, Cosmopolitan, Elle og Für Sie.

Á heimasíðu þýska Vogue má sjá myndband af hinni þýsk-rússnesku Palinu Rojinski, fyrirsætu, plötusnúði og þekktum sjónvarpskynni, þar sem hún lætur fara vel um sig í freyðibaði og fræðir kjósendur stuttlega um flækjustig kosningakerfisins og um þingkosningar sem eru fram undan. „Þetta þarf ekki að vera svo slæmt, er það?“ spyr hún og vill þannig sýna þýskum konum að það að kjósa getur verið alveg jafnkósý og að liggja í freyðibaði með freyðivíni og kökusneið.

Palina minnir kjósendur á nokkur mikilvæg atriði, líkt og að ekki megi undirrita kjörseðilinn og að því miður megi ekki taka sjálfsmyndir í kjörklefanum.

61,5 milljónir manna eru á kjörskrá fyrir þingkosningarnar og stendur valið á milli 33 flokka. Flokkur Angelu Merkel, Kristilegir demókratar (CDU), nýtur mests fylgis meðal kjósenda samkvæmt skoðanakönnunum, eða um 36%.

mbl.is

Frá Sýrlandi til Evrópu - Greinaflokkur

Lok á heita potta og hitaveitu- skeljar
Lok á heita potta og hitaveitu- skeljar Stærðir í cm: 200x200, 210x210, 220x220,...
Iðnaðarhúsnæði óskast.
Erum að leita af iðnaðarhúsnæði til leigu, 200-400m2 á höfuðborgarsvæðinu með há...
Húsgagnaviðgerðir
Ég tek að mér viðgerðir á húsgögnum bæði gömlum og nýjum. Starfsemin fer fram í ...
 
Onik 2017 20 skýli fyrir hleðslustöðvar
Tilboð - útboð
/ 14.12.2017 Útboð Orka náttúrunn...
Samkoma
Félagsstarf
Söngsamkoma kl. 20 í Kristni- boðssalnu...
Félagsstarf
Staður og stund
Aflagrandi 40 Opin vinnustofa kl 9, fore...
Félagsstarf
Staður og stund
Aflagrandi 40 Opin vinnustofa kl. 9 og j...