Tilkynntu um andlát Haraldar Noregskonungs

Haraldur Noregskonungur er við hestaheilsu.
Haraldur Noregskonungur er við hestaheilsu. Ljósmynd/Norska konungshöllin

„Noregur er í sorg. Haraldur V konungur er látinn, xx ára gamall. Konungurinn lést xxxx (dagur/dagsetning) (heima/á sjúkrahúsi o.s.frv.) klukkan xxx.“

Þetta er upphafið að fréttatilkynningu norsku fréttastofunnar Norsk Telegrambyrå (NTB) sem send var á alla stærri fjölmiðla Noregs, þar af ríkisútvarpið NRK, sem greinir frá málinu, nú klukkan 12:09 að staðartíma (10:09 að íslenskum tíma). Var tilkynningin dregin til baka með hraði með nýrri tilkynningu þremur mínútum síðar.

„Þjóðarkonungur eins og faðir hans,“ hófust þessi ótímabæru minningarorð NTB að loknum innganginum, en eftir því sem best er vitað er Haraldur konungur sprelllifandi þegar þetta er skrifað. Var svo farið í að rifja upp ræðu konungsins á 25 ára afmæli konungstíðar hans og Sonju drottningar við konungshöllina í Ósló í fyrra og áfram rætt um embætti Haraldar „heitins“ og það sameiningartákn sem hann var norsku þjóðinni.

Ole Kristian Bjellaanes, fréttastjóri NTB, biðst innilega afsökunar á tilkynningunni. „Hún fór út fyrir mistök. Það var verið að tilkynna mér um þetta núna og ég get ekki tjáð mig neitt meira um málið að svo stöddu,“ sagði hann við NRK en dagblaðið VG fjallar einnig um málið og ræðir við Sven Gjeruldsen, upplýsingafulltrúa konungshallarinnar, sem segir fregnir af andláti konungs ótímabærar.

„Þetta er ekki rétt, konungurinn er í fínu formi,“ segir Gjeruldsen við VG og getur ekki varist hlátri.

„Við vonum bara að enginn birti þetta,“ segir Bjellaanes hjá NTB í spjalli við VG þótt ljóst sé að honum hafi ekki orðið að ósk sinni. „Það eitt bætir þó ekki skaðann sem orðinn er og við munum nú vinna að því að fyrirbyggja að svona lagað geti gerst og að tilkynningar frá okkur séu réttar,“ segir hann að lokum.

Fréttastofan hefur sent formlega afsökunarbeiðni til konungshallarinnar.

mbl.is

Skoðanakannanir

[ Nánar | Allar kannanir í CSV-skrá ]

Frá Sýrlandi til Evrópu - Greinaflokkur

FORD ESCAPE JEPPI TIL SÖLU
Til sölu Ford Escape jeppi, benzín, árgerð 2007, ekinn 193.000km. Vel með farinn...
50 Tonna legupressur
50 Tonna legupressur loft / glussadrifnar, snilldargræja á fínu tilboðsverði nú...
DEK 30 KW Rafstöðvar
Eigum 30 kw rafstöð á lager, góð reynsla, og varahlutaþjónusta. 1275.000 + vsk ...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
 
Félagsstarf
Staður og stund
Aflagrandi 40 Hjá okkur er opin vinnusto...
Niðurstaða sveitarstjórnar
Tilkynningar
Samþykkt breyting á deiliskipulagi S...
Uppboð á ökutökjum
Uppboð
Sýslumaðurinn á Norðurlandi eystra Haf...
Eldri borgarar
Staður og stund
Aflagrandi 40 Dagurinn byrjar á opinni v...