Weinstein varð brjálaður við höfnunina

Lena Heady í hlutverki Cersei Lannister úr sjónvarpsþáttunum Game of ...
Lena Heady í hlutverki Cersei Lannister úr sjónvarpsþáttunum Game of Thrones. Hún segir Weinstein hafa orðið brjálaðan er hún hafnaði honum.

Breska leikkonan Lena Headey, sem leikur Cersei Lanister í þáttunum Game of Thrones, hefur nú bæst í hóp þeirra leikkvenna sem hafa sakað kvikmyndaframleiðandann Harvey Weinstein um kynferðislega áreitni. Þá hefur Reese Witherspoon lýst því er leikstjóri misþyrmdi henni 16 ára gamalli.

Headey segir í röð færslna á Twitter að Weinstein hafi verið „brjálaður“ þegar hún neitaði honum. Headey bætist þar með í hóp rúmlega 40 kvenna sem hafa sakað framleiðandann um kynferðislegt ofbeldi og -áreitni.

Weinstein sagði sig úr stjórn fyrirtækis síns Weinstein Company fyrr í dag, en hann var rekinn sem forstjóri fyrirtækisins í síðustu viku eftir að fyrstu ásakanir komu upp á hendur honum. Weinstein er sakaður um nauðgun, kynferðislegt ofbeldi og áreitni en hefur staðfastlega neitað öllum ásökunum um að hafa haft samneyti við konur án þeirra samþykkis.

Weinstein hefur einnig verið rekinn úr Bandarísku kvikmyndaakademíunni.

Í Twitter-færslum sínum lýsir Heady því er hún deildi lyftu með Weinstein, sem hafði boðið henni upp á herbergi sitt til að sýna henni handrit.

„Lyftan var á leiðinni upp og ég sagði við Harvey, „Ég hef ekki áhuga á neinu öðru en vinnu, ekki halda að ég sé að fara með þér inn vegna nokkurs annars. Það er ekkert að fara að gerast“,“ rifjaði hún upp.

„Ég veit ekki hvað kom yfir mig og fékk mig til að tala, en á þeirri stundu fékk ég mjög sterka tilfinningu fyrir því að ég vildi ekki að hann kæmi nærri mér. Hann var þögull eftir að ég talaði. Brjálaður. Hann greip fast í höndina á mér og gekk með mig aftur að lyftunni,“ sagði Headey og kvaðst hafa upplifað sig gjörsamlega máttvana. Á eftir hafi hann hvíslað að sér að hún ætti ekki að segja neinum frá fundi þeirra.

„Ég fór inn í bíl minn og grét.“

Reese Witherspoon segist hafa upplifað reiði í garð umboðsmannanna og ...
Reese Witherspoon segist hafa upplifað reiði í garð umboðsmannanna og framleiðendanna sem hafi látið hana upplifa að þöggun væri skilyrði fyrir ráðningu hennar. mbl.is/AFP

Bandaríska leikkonan Reese Witherspoon greindi frá því í ræðu sem hún hélt í gær á viðburðinum Elle Women in Hollywood að kvikmyndaleikstjóri sem hún nefndi ekki á nafn, hefði misþyrmt sér kynferðislega er hún var 16 ára.

Hún hefði upplifað „reiði [...] í garð umboðsmannanna og framleiðendanna sem hafi látið sig upplifa að þöggun væri skilyrði fyrir ráðningu“ hennar. Þá hafi sér ítrekað verið misþyrmt kynferðislega og hún áreitt á starfsferli sínum. 

Þá lýsti Óskarsverðlaunahafinn Jennifer Lawrence því við sama tilefni er hún var látin standa nakin fyrir framan hóp framleiðenda við leikaraval.

„Eftir þessa niðurlægjandi uppröðun sagði kvenkyns framleiðandi við mig að ég ætti að nota nektarmyndirnar af sjálfri mér sem hvatningu fyrir megrunarkúr,“ sagði Lawrence við áhorfendur.

mbl.is

Bloggað um fréttina

Frá Sýrlandi til Evrópu - Greinaflokkur

Þreyttur á reykinga- myglulykt, lausn ?
Eyðir flest allri ólykt, m.a. Myglu-gró ásamt og raka- reykinga- og brunalykt. ...
Flugskýli til leigu Nú er úti norðanél
Flugskýli til leigu Nú er úti norðanél nú er Esjan hvít sem mél Ef að ég ættii ú...
HARMONIKKUHURÐIR SPARA MIKIÐ PLÁSS
Margar gerðir, oftast afgreiddar samdægurs, verð frá kr. 13.900,- Sími 848 3215...
Stofuskápur úr furu til sölu.
Skápur úr furu ,hentar vel í sumarbústaðinn 9000 þúsund kr., hæð 200 cm, breidd...
 
Samþykkt breyting á deiliskipulagi
Tilkynningar
Samþykkt breyting á deiliskipulagi Da...
Framhald uppboðs
Nauðungarsala
Uppboð Einnig birt á www.naudungarsolu...
Samkoma
Félagsstarf
Samkoma kl. 20 í Kristniboðs- salnum. R...
Framhald uppboðs
Nauðungarsala
Uppboð Einnig birt á www.naudungarsolu...