Ungliðarnir vilja að forsetinn segi af sér
Setja bókamerki
Ungliðahreyfing ZANU-PF, stjórnarflokksins í Simbabve, krafðist í dag afsagnar Roberts Mugabes, forseta landsins, og jafnframt að honum og konu hans, Grace, verði gert að yfirgefa flokkinn. Ungliðahreyfingin er mjög áhrifamikil og setur þetta því enn meiri pressu á að hinn þaulsætni leiðtogi segi af sér. AFP-fréttastofan greinir frá.
Mugabe, sem er 93 og hefur farið með völd í landinu frá því að það fékk sjálfsstjórn frá Bretum árið 1980, var hnepptur í stofufangelsi í vikunni eftir að herinn tók yfir völd í landinu.
Ungliðahreyfingin hefur verið mjög hliðholl Mugabe en frá því að herinn tók völd í landinu í síðustu viku hefur hreyfingin sagt að hann eigi að segja af sér svo hann geti hvílt sig.
Til stendur að liðsmenn stjórnarflokksins hittist í dag og ræði það hvort Mugabe verði steypt af stóli, en í gær söfnuðust tugir þúsunda borgara í Harare, höfuðborg Simbabve, saman á götum úti og kröfðust afsagnar hans.
Shakespeare fannst í skókassa
Gígbarmurinn hækkað frá því í gær
Frambjóðendur skila inn listum í Hörpu
Nemendur í HÍ reistu tjaldbúðir án leyfis
Kostnaður meiri en milljón á fermetra
Bergnuminn í Hvalfirði
Telur forsendur fyrir vaxtalækkun
Handteknir eftir myndatöku í Vesturbæjarlaug