21 látinn vegna vetrarveðurs í Bandaríkjunum
Setja bókamerki
Vetrarveður sem gengur yfir stóra hluta mið- og suðurhluta Bandaríkjanna hefur haft í för með sér kuldamet og orðið til þess að milljónir eru án rafmagns auk þess að kosta minnst 21 manneskju lífið.
Verstu rafmagnstruflanirnar voru í Texas þar sem fjórar milljónir heimila og fyrirtækja voru án rafmagns í gær í miklu frosti. Um 250.000 heimili og fyrirtæki í Appalachia voru einnig án rafmagns, rétt eins og í Oregon. Þá voru fjórar milljónir manna án rafmagns í Mexíkó.
Létust við að reyna að halda á sér hita
Í Norður-Karólínu fundust þrír látnir eftir að fellibylur skall á bæ við sjávarsíðuna. Í Texas reyndi fjögurra manna fjölskylda að halda á sér hita með því að kveikja eld í arni sínum. Það fór illa en eldurinn læsti sig í húsið og brann fjölskyldan inni. Þá létust einnig nokkrir í Lousiana, Kentucky og Missouri, flestir þeirra í bílslysum.
Veðrið hefur ógnað bólusetningaráætlun Bandaríkjamanna en stjórnvöld hafa gefið út að tafir verði á bóluefnasendingum.
Strand skemmtiferðaskips kallar á erlenda aðstoð
Væri að ljúga ef ég segðist ekki stressaður
Bergnuminn í Hvalfirði
„Höfum ekki náð að skríða upp úr þeirri gryfju“
Skar höfuðleðrið af íslenskri konu
Kostnaður meiri en milljón á fermetra
Hvorki sést áður hér á landi né annars staðar
Kaldasti veturinn kom að óvörum