Kaupa lyf gegn geislunarskaða fyrir 41 milljarð

Bandarísk stjórnvöld hafa fest kaup á 290 milljóna dala birgðum af blóðfrumulyfinu Nplate, en kaupverðið samsvarar 41,6 milljörðum íslenskra króna. Er þar um að ræða lyf sem vinnur gegn frumuskaða í kjölfar geislunar, svo sem vegna kjarnorkuslysa eða -árása. Kaupin voru gerð fyrr í vikunni.

Kveða stjórnvöld kaupin hluta af langtímaáætlun um viðbrögð við hugsanlegu heilsutjóni vegna ógnar við þjóðaröryggi.

Lyfið Nplate vinnur gegn frumuskaða í kjölfar geislunar, svo sem vegna kjarnorkuslysa eða -árása. Ljósmynd/Medicinesauthority.gov.mt

Hvers kyns hremmingar

Svaraði fulltrúi ráðuneytis heilbrigðis- og almannaþjónustumála fyrirspurn, um hvort þarna væri horft til viðsjáa milli Bandaríkjanna og Rússlands í kjölfar innrásar í Úkraínu, á þá leið að lyfjakaupin væru liður í aðgerðum sem ætlað væri að búa land og þjóð undir hvers kyns hremmingar, hvort sem væri af völdum efna-, lífvísinda-, geislunar- eða smittengdra sjúkdóma.

Styður ráðuneytið þróun á vettvangi sjúkdómsgreinina, bólusetninga og meðferða sem ætlað er að beita gegn heilsuháska vegna utanaðkomandi ógna og hefur til þess aðgang að sjóðum sem kveðið er á um í lögum frá 2004, Project Bioshield Act.

Skili þróunarvinnan árangri nýtir ráðuneytið fé úr sjóðunum til þess að kaupa þá afurð sem þar verður til.

Reuters
The Hill
WION

• 2 blogg um fréttina

Bloggað um fréttina

• Sverrir Stormsker: Nýtt bóluefni gegn kjarnorkusprengjum
• Ingólfur Sigurðsson: Enn eiga lyf að vera ráðið og hjálpin en ekki …