Sprengingin „hryðjuverk“ Úkraínumanna
Setja bókamerki
Vladimír Pútín Rússlandsforseti hefur lýst Úkraínumenn ábyrga fyrir sprengingu er varð í flutningabíl á brú yfir Kertsj-sund í gær, sem nær frá Rússlandi til Krímskaga.
Kom þetta fram á fundi forsetans með yfirmanni Rannsóknarnefndar Rússlands nú fyrir skemmstu.
„Þeir sem standa á bak við árásina tilheyra leyniþjónustu Úkraínu,“ sagði hann á fundinum, en stjórnvöld í Kreml hafa birt upptöku af honum.
Úkraínumenn hafa þó enn sem komið er ekki lýst sprengingunni á hendur sér.
Beinist gegn almennum borgurum Rússlands
„Það leikur enginn vafi á því að þessi hryðjuverk beinast gegn almennum borgurum Rússlands,“ sagði Pútín.
Þrír létust í sprengingunni og logaði eldur á brúnni um nokkra hríð, en opnað var fyrir umferð á hluta hennar í gær.
Eftir innrás Rússalands í Úkraínu hefur brúin gegnt lykilhlutverki sem stofnæð fyrir flutning hergagna frá Rússlandi til hersveita Rússa á vettvangi. Einkum fyrir þær hersveitir sem staddar eru í suðurhluta Úkraínu, en liðsauki við herinn hefur einnig farið sömu leið.
„Eigum eftir að sjá miklar sviptingar“
Fullyrðir að kindurnar beri ekki eftirlitslausar
Gosopið gæti stækkað á ný: „Eitthvað í aðsigi“
Níu milljónir í auglýsingar til erlendra miðla
„Þakklátur að hanga í toppsætunum“
Halla Hrund tekur forystu í könnun
11 verða í framboði til embættis forseta Íslands
Fimm dauðir hvolpar fundust í poka