Segir að gagnsókninni hafi verið lekið til Rússa
Setja bókamerki
Volodimír Selenskí, forseti Úkraínu, telur að áætlun um gagnsókn Úkraínumanna á síðasta ári hafi verið lekið til Rússa áður en hún hófst.
Gagnsóknin hófst í júní árið 2023, með milljarða dala vopnastuðningi Vesturlanda, og náði ekki flugi.
„Áætlanir okkar til gagnsóknar voru á borði stjórnvalda í Kreml áður en gagnsóknin hófst,“ sagði Selenskí á blaðamannafundi í Kænugarði.
Hann staðfesti síðan við AFP-fréttaveituna að það sem hann meinti með ummælunum var að rússnesk stjórnvöld hefðu fengið trúnaðarupplýsingar um gagnsóknina.
Selenskí veitti ekki frekari upplýsingar um lekann.
Nokkrar áætlanir undirbúnar
Forsetinn greindi frá því á fundinum að úkraínsk stjórnvöld væru að undirbúa „nokkrar“ útgáfur af hernaðaráætlunum sínum fyrir árið í ár til þess að koma í veg fyrir annan leka.
Spurður hvort að Úkraínumenn ætluðu að ráðast í aðra gagnsókn á þessu árið sagði Selenskí: „Við erum með áætlun, skýra áætlun. Nokkrar áætlanir eru í undirbúningi vegna upplýsingaleka.“
Rússneski herinn er nú í sókn í austurhluta Úkraínu eftir að hafa náð völdum í borginni Avdívku.
„Finn fyrir miklum meðbyr“
Hjólandi fjölgar hægt en örugglega
Halla Hrund tekur forystu í könnun
Gosopið gæti stækkað á ný: „Eitthvað í aðsigi“
Óásættanlegt hversu langan tíma viðræður hafa tekið
Gæti færst meiri kraftur í eldgosið
„Eigum eftir að sjá miklar sviptingar“
11 verða í framboði til embættis forseta Íslands