Fangelsi fyrir gáleysislegan akstur

Héraðsdómur Reykjaness hefur dæmt Pólverja í fjögurra mánaða fangelsi, þar af 3 mánuðu skilorðsbundið, fyrir að aka bíl undir áhrifum áfengis austur Reykjanesbraut í Garðabæ en bíllinn lenti á steinblokkum, sem þarna voru vegna vegarframkvæmda. Einn farþegi í bílnum, 26 ára gamall Pólverji, fékk það alvarlega áverka að hann lést skömmu síðar.

Slysið varð í nóvember á síðasta ári. Áfengismagn í blóði mannsins sem ók bílnum var1,32 prómill. manninum var gefið að sök að hafa ekið án nægjanlegrar aðgæslu og of hratt miðað við aðstæður, með þeim afleiðingum að bíllinn fór yfir vegstiku og á steinblokkir, sem settar höfðu verið upp sem vegþrenging.

Í dómnum er vitnað til skýrslu, þar sem kemur fram það mat rannsóknara að helstu orsaka slyssins sé ekki síst að leita í þeim aðstæðum sem voru á staðnum þegar óhappið átti sér stað. Einnig er vísað í vettvangsskýrslu lögreglu þar sem segir, að framkvæmd merkinga og frágangur hafi engan veginn verið með fullnægjandi hætti af hálfu veghaldara en stefnuvísandi ör sem átti að blikka gulu ljósi logaði ekki vegna bilunar.

Maðurinn var sviptur ökuréttindum í 3 ár og til að greiða á sjöunda hundrað þúsund krónur í málskostnað.

• 2 blogg um fréttina

Bloggað um fréttina

• Vignir Arnarson: Er allt í einu í lagi að aka fullur?
• Sverrir Einarsson: Ekki ölvuninni að kenna heldur....