Illa lítur út með arnarvarp nú í vor

Illa lítur út með arnarvarp í ár. Að sögn Náttúrufræðistofnunar er aðeins vitað um 33 arnarhreiður nú í vor samanborið við allt að 44 á síðustu árum ár. Arnarstofninn er nú talinn 64 fullorðin pör og virðist standa í stað eftir hægan en samfelldan vöxt um langt skeið. Stofnunin segir að meira hefur borið á vísvitandi truflun á varpslóðum arna en endranær og fannst m.a. skotinn örn við Breiðafjörð nú í apríl. Náttúrufræðistofnun segir, að meira hafi borið á vísvitandi truflun á varpslóðum arna en endranær og hafi sést dæmi um slíkt á 12 varpsvæðum af 75 sem könnuð voru. Varphólmar voru brenndir á tveimur svæðum, grjót borið í hreiður og hræður og flögg sett upp til að fæla erni frá óðulum, þrátt fyrir skýr ákvæði í lögum um friðhelgi arnarhreiðra og nánasta umhverfis þeirra.

Þrátt fyrir alfriðun í nær heila öld finnast öðru hverju skotnir ernir. Í lok apríl fannst nýdauður, fullorðinn örn við Breiðafjörð og sáust a.m.k. fjögur högl á röntgenmynd sem tekin var af fuglinum.

Náttúrufræðistofnun Íslands vaktar arnarstofninn í samvinnu við Fuglaverndarfélag Íslands og Náttúrustofurnar í Stykkishólmi, Bolungarvík og Sandgerði.

• 5 blogg um fréttina

Bloggað um fréttina

• Snorri Sigurðsson: Augliti til auglitis við örn
• Örn Arnarson: Þvílík ósvífni!
• Guðsteinn Haukur Barkarson: Verndum þessa fugla betur!
• Hallgrímur Óli Helgason: ARNARHJARTAÐ
• Óli Jón: Sparkað í fjallkonuna!