Íslendingar og Norðmenn æfa lögregluaðgerðir

Æfing Landhelgisgæslunnar með sérsveit ríkislögreglustjórans og Deltasveit norsku lögreglunnar var nýlega haldin í Hvalfirði. Landhelgisgæslan og ríkislögreglustjórinn gerðu nýlega með sér samstarfssamning og eru sameiginlegar æfingar haldnar á grundvelli samningsins.

Þá segir Landhelgisgæslan, að norska lögreglan og ríkislögreglustjórinn hafi verið í nánu samstarfi allt frá árinu 1982 sem felist meðal annars í skiptiþjálfun. Af þessum sökum taki norska lögreglan þátt í æfingum með Landhelgisgæslunni og embætti ríkislögreglustjóra.  Önnur æfing með sömu þátttakendum er fyrirhuguð á næstunni.

Af hálfu Landhelgisgæslunnar tóku áhafnir á björgunarþyrlunum Gná og Líf þátt og jafnframt áhöfnin á varðskipinu Tý.

Sérsveitarmenn við æfingu í Hvalfirði. mynd/LHG

• 2 blogg um fréttina

Bloggað um fréttina

• Geir Ágústsson: Auðvitað! Núna veit ég það!
• Þorkell Sigurjónsson: Manngildi - mannkostir.