Tveir mótmælendur handteknir í Straumsvík

Lögregla hefur handtekið tvo úr hópi mótmælenda frá samtökunum Saving Iceland við veginn sem liggur upp að álverinu í Straumsvík. Alls eru um fimm lögreglubifreiðar á staðnum og hefur lögregla beðið mótmælendur um að yfirgefa staðinn friðsamlega að öðrum kosti verði þeir handteknir. Í tilkynningu frá Saving Iceland kemur fram að um 20 mótmælendur hafi læst sig saman og klifrað upp í krana á vinnusvæðinu.

Saving Iceland segist vera með þessu að mótmæla fyrirhuguðu álveri Rio Tinto-Alcan á Keilisnesi eða Þorlákshöfn, stækkun álversins í Hafnarfirði og nýju álveri í Suður-Afríku sem verður keyrt áfram af kolum og kjarnorku.

• 2 blogg um fréttina

Bloggað um fréttina

• S i g u r ð u r S i g u r ð a r s o n: Kjöraðstæður til mótmæla
• Hlynur Hallsson: TENGSL ALCAN VIÐ HERGAGNAFRAMLEIÐSLU OG BOTNLAUS SAKASKRÁ RIO TINTO