Hverfafélag vill ekki Vilhjálm sem borgarstjóra
Setja bókamerki
Að minnsta kosti eitt hverfafélag Sjálfstæðisflokksins í Reykjavík hefur gefið til kynna, að það vilji að Vilhjálmur Þ. Vilhjálmsson víki sem oddviti borgarstjórnarflokksins, að því er kom fram í fréttum Útvarpsins. Sagði Útvarpið að félagið hefði samþykkt ályktun þessa efnis nýlega en ekki sent hana frá sér með formlegum hætti.
Þá sagði Útvarpið, að Landssamband sjálfstæðiskvenna og Hvöt væru að undirbúa að lýsa yfir stuðningi við Hönnu Birnu Kristjánsdóttur sem borgarstjóraefni.
Samkvæmt heimildum Morgunblaðsins hefur Vilhjálmur ákveðið að halda áfram sem oddviti Sjálfstæðisflokksins í borginni og mun taka við embætti borgarstjóra að ári. Gert var ráð fyrir að formlegrar tilkynningar væri þó ekki að vænta frá Vilhjálmi fyrr en að loknum fundi borgarstjórnarflokks sjálfstæðismanna á morgun.
Shakespeare fannst í skókassa
Skemmtiferðaskip hætt komið nærri Viðey
Krefjast stöðvunar framkvæmda
Vélsleðaslys: Þyrlan kölluð út á mesta forgangi
Gígbarmurinn hækkað frá því í gær
„Það þarf að vinna mikinn fjölda upp“
Skar höfuðleðrið af íslenskri konu