Matvælafrumvarpi frestað

Ákveðið hefur verið að fresta til hausts afgreiðslu frumvarps um að lögleiða matvælareglur Evrópusambandsins. Einar K. Guðfinnsson, landbúnaðar- og sjávarútvegsráðherra, staðfestir þetta í Bændablaðinu í dag.

Einar segir við blaðið, að  í þeim umsögnum sem borist hafi um frumvarpið frá  hagsmunaaðilum sé algengt að menn óski eftir frestun á afgreiðslu svo betri tími gefist til að gaumgæfa þessa mikilvægu löggjöf. Hins vegar komist afar fáir að þeirri niðurstöðu að rétt sé að hafna frumvarpinu í heild sinni. 

Þingflokkur VG hefur sent frá sér ályktun þar sem þessari niðurstöðu er fagnað Enginn vafi sé á því, að samstaða og samtakamáttur Bændasamtakanna, íslenskra matvælaframleiðenda og neytenda, sérfræðinga í matvælaheilbrigði og fjölmargra sveitarfélaga á landsbyggðinni skipti sköpum um undanhald ráðherra.

• 4 blogg um fréttina

Bloggað um fréttina

• Grétar: Undarlegt að vernda framleiðendur meira en neytendur
• Guðrún María Óskarsdóttir.: Sjálfsagt mál að fresta þessu frumvarpi.
• Sigurður Jónsson: Til hamingju VG
• Runólfur Jónatan Hauksson: Hagsmunir já....