Meirihluti sölustaða í Hafnarfirði selur unglingum tóbak

Í lok maí stóð forvarnarnefnd Hafnarfjarðar fyrir könnun meðal sölustaða tóbaks í Hafnarfirði. Í 53% tilfella gátu unglingarnir keypt tóbak, af 19 sölustöðum seldu 10 staðir unglingunum tóbak.
 
Tveir 15 ára unglingar úr 10. bekk fóru á sölustaði undir eftirliti starfsmanna Hafnarfjarðarbæjar. 10 sölustaðir seldu unglingunum tóbak. Í fyrra voru alls 25 sölustaðir tóbaks aðgengilegir börnum en þeim hefur fækkað og eru 19 þegar könnunin var gerð. Ekki er farið inn á staði með vínveitingaleyfi þar sem tóbak er selt, að því er segir í tilkynningu frá Hafnarfjarðarbæ.
 
Búast má við því að þeir staðir sem selji börnum tóbak fái áminningu eða verði sviptir tóbakssöluleyfi eins og lög um tóbaksvarnir gera ráð fyrir.
 

• 2 blogg um fréttina

Bloggað um fréttina

• Þóra Guðmundsdóttir: Kemur ekki á óvart.
• Hafdís Lilja Pétursdóttir: Eins um allt land - börn kaupa og selja tóbak.