Tvíhliða upptaka evru óraunhæf

Evrópunefnd ríkisstjórnarinnar átti opinn og hreinskiptinn fund með Olli Rehn, stækkunarstjóra ESB, í kvöld. Ágúst Ólafur Ágústsson, annar formanna Evrópunefndarinnar segir að Rehn teldi óraunhæft að Íslendingar tækju upp evru á grundvelli samnings um Evrópska efnahagssvæðið, tvíhliða upptöku.  

Rehn hafi sagt að það væri ekki vilji innan ESB fyrir slíkri leið. Hann hafi jafnframt sagt að aðildarumræður Íslands að sambandinu ættu að geta tekið skamman tíma enda væru Íslendingar þegar búnir að taka upp tvo þriðju efniskafla regluverksins.

Nefndin átti kvöldverðarfund með sendiherrum og öðrum aðilum úr ESB og þeir hafi allir verið mjög neikvæðir á tvíhliða upptöku. Það væri hvorki hagur Íslendinga né raunhæfur kostur.

Evrópunefndin fundar með Joaquín Almunia, sem fer með efnahagsmál innan ESB, á miðvikudag. Þar verður m.a. tvíhliða leiðin ítarlega rædd og farið yfir hvort lagalegar hindranir séu fyrir hendi. Á miðvikudag er einnig á dagskrá fundur með fulltrúa Evrópska seðlabankans.

• 10 blogg um fréttina

Bloggað um fréttina

• Sigurður Hrellir: Við hvað eru menn hræddir?
• Magnús Helgi Björgvinsson: Nú verður Evrópunefndin að fara að vinna hraðar.
• Jón Ingi Cæsarsson: Drífa sig í viðræður.
• Guðrún María Óskarsdóttir.: Enn eitt dæmið um ósamstiga ríkisstjórn landsins sem talar sitt …
• Haraldur Bjarnason: Hverju er að tapa?
• Ingólfur: Fylgir hugur máli?
• Gísli Tryggvason: Næstum gilt svar - pólitík er list hins mögulega
• Gunnlaugur B Ólafsson: Lausn til lengri og skemmri tíma?
• Hallur Magnússon: Aðildarviðræðum við ESB lokið fyrir árslok 2009?
• Haukur Nikulásson: Hversu lengi á að ljúga því að við ráðum ekki …