Krefjast opinberrar rannsóknar á Hafskipsmáli

Embætti ríkissaksóknara hefur borist krafa um opinbera rannsókn á Hafskipsmálinu. Fram kemur í Fréttablaðinu í dag, að hæstaréttarlögmennirnir Ragnar Aðalsteinsson og Sigríður Rut Júlíusdóttir sendu inn erindið fyrir hönd Hafskipsmanna, þeirra Björgólfs Guðmundssonar, Páls Braga Kristjónssonar, Þórðar H. Hilmarssonar og Helga Magnússonar.

Krafan beinist að meintum brotum fyrrverandi dómara við skiptarétt Reykjavíkur, fyrrverandi ríkislögmanns, ríkissaksóknara og rannsóknarlögreglustjóra ríkisins auk annarra starfsmanna embætta ríkissaksóknara og rannsóknarlögreglu ríkisins.

Valtýr Sigurðsson ríkissaksóknari staðfestir við blaðið, að krafan hafi borist embættinu á fimmtudag. Að sögn Valtýs er beiðnin á annað hundrað síður.

• 3 blogg um fréttina

Bloggað um fréttina

• Friðrik Þór Guðmundsson: Hefur Björgólfur ekki um annað að hugsa?
• Sigurður Jónsson: RANNSAKA ÞARF ALLT MÁLIÐ.
• Rúnar Sveinbjörnsson: Eðlileg viðbrögð að dreifa athyglinni.