Styðja Tónlistarhúsið

„Með þessu bréfi viljum við sýna íslensku þjóðinni skilyrðislausan stuðning okkar við að þetta mikilvæga verkefni verði leitt til lykta.“ Svo segir í bréfi, sem þeir Vladímír Ashkenazy tónlistarmaður, Ólafur Elíasson listamaður, Peer Teglgaard Jeppesen arkitekt og Jasper Parrott ráðgjafi hafa sent frá sér um Tónlistar- og ráðstefnuhúsið í Reykjavík.

Segja þeir, að spurningar hafi vaknað um framtíð þess í því efnahagslega ofviðri, sem nú geisi á Íslandi, en það sé ekki ætlun þeirra að hverfa frá verkefninu eins og aðrir hafi gert. Segja þeir, að Íslendingar og íslensk menning eigi húsið skilið.