Innlent | mbl | 25.10.2008 | 16:09 | Uppfært 16:32

Mistök að færa Kaupþing ekki úr landi

Bakkavararbræður - Ágúst og Lýður Guðmundssynir. mbl.is/Brynjar Gauti

„Það voru mistök að færa ekki Kaupþing úr landi þegar umsókn bankans um að skrá hlutafé í evrum var hafnað,“ sagði Lýður Guðmundsson, kenndur við Bakkavör, í þætti Björns Inga Hrafnssonar, Markaðnum, á Stöð 2 í dag. Lýður sagði að hugmynd um að færa Kaupþing úr landi hafi verið á umræðustigi þegar ríkið tók bankann yfir.

Lýður sagði að það myndi skýrast í næstu viku hvort dómstólaleið væri fær til að sækja á bresk stjórnvöld um bætur vegna aðgerðanna gegn Kaupþingi í Bretlandi sem leiddi til falls móðurfélags bankans á Íslandi.

Lýður sagði ennfremur að það liti þannig út að Kaupþing í Bretlandi hefði verið látið gjalda fyrir syndir Landsbankans vegna Iccesave-reikninganna. Þegar breska fjármálaeftirlitið hafi ruðst inn í bankann ytra og tekið yfir stjórnina, hafi Kaupþing í Bretlandi síður en svo verið gjaldþrota. Þvert á hafi verið farið að öllum óskum fjármálaeftirlitsins í Bretlandi um laust fé og annað sem krafist var.

lýður segir stöðu flestra fyrirtækja þeirra Bakkavararbræðra góða, Símans, VÍS og Lýsingar. Bakkavör hefði hins vegar orðið fyrir gríðarlegu höggi þegar Kaupþing féll. Allt lausafé Bakkavarar, um 30 milljarðar króna hafi verið flutt til landsins í lok september til þess að styrkja Kaupþing. En allt hafi komið fyrir ekki.

Þá heyi Exista lífróður. Félagið hafi tapað 130 milljörðum á einni nóttu og starfsmenn félagsins, 22 þúsund manns, þar af 2 þúsund á Íslandi, bíði í algerri óvissu. Lýður segir Exista eiga fyrir launum starfsmanna en óvissan sé mjög mikil.

Markaðurinn

Innlent »

Bílum er lagt meðfram heimreiðinni að Bessastöðum.

Margt um manninn á Bessastöðum

16:17 Margir hafa ákveðið að grípa tækifærið og heimsækja Bessastaði og Bessastaðakirkju sem eru opin almenningi í dag milli kl. 16 og 20. Opnunin er í tilefni Safnanætur og Vetrarhátíðar í Reykjavík. Meira

Tilraunaverkefni í vinnumiðlun

16:14 Í dag var undirritað samkomulag um að setja í gang tilraunaverkefni sem hefur að markmiði að auka og efla vinnumiðlun, ráðgjöf og þjónustu við atvinnuleitendur. Það mun ná til um 25% atvinnuleitenda á landinu. Stefnt er að því að verkefnið hefjist í byrjun maí. Meira

Samstaða gerir athugasemd við Samstöðu

Frá stofnfundi Samstöðu, stjórnmálaflokks undir forystu Lilju Mósesdóttur.

16:06 Stéttarfélagið Samstaða í Húnavatnssýslum gerir athugasemd við nafn nýs flokks Lilju Mósesdóttur sem ber nafnið Samstaða. Meira

Stefna að opnun í Skálafelli

Stefnt er að því að opna í skíðasvæðið í Skálafelli.

16:03 Borgarráð hefur samþykkir að beina því til stjórnar skíðasvæðanna að hefja viðræður við skíðadeild KR um að deildin sjái um rekstur svæðisins. Meira

Skipulagsmálum víða áfátt

15:57 Sigmundur Davíð Gunnlaugsson, formaður Framsóknarflokksins, segir að ekki sé rétt að hús hafi verið rifin í borginni Bakú í Aserbaídsjan vegna byggingar Kristalshallarinnar. Hann segir að nóg sé að fara í miðbæ Reykjavíkur til að finna fólk sem búi í óvissu um nánasta umhverfi sitt og í grennd við hús sem séu látin drabbast niður. Meira

Vilja framkvæmdastjóra á skrifstofuna

16:04 Sveitarstjórn Skeiða- og Gnúpverjahrepps hefur samþykkt að lækka starfshlutfall oddvita og að ræða við Kristófer Arnfjörð Tómasson viðskiptafræðing, um að taka að sér framkvæmdastjórastöðu hjá sveitarfélaginu. Meira

Boðuð á fund í Reykjavík

Össur Skarphéðinsson og Jóhanna Sigurðardóttir

16:00 Samtök sveitarfélaga á Norðurlandi vestra hafa reynt að fá Jóhönnu Sigurðardóttur, forsætisráðherra, norður á fund vegna alvarlegra stöðu í byggðamálum. Samtökin hafa nú verið boðuð á fund í Reykjavík ásamt öðrum fulltrúum landshlutasamtaka. Meira

Bleikjueldi ekki háð umhverfismati

15:47 Eldi á allt að 200 tonnum af bleikju á ári í Galtalæk, Rangárþingi ytra, er ekki háð mati á umhverfisáhrifum að mati Skipulagsstofnunar. Íslensk matorka rekur fiskeldisstöðina í Galtalæk. Meira

Ekið á stúlku á Akureyri

15:38 Ekið var á stúlku á Mýrarvegi á Akureyri um hádegisleytið í dag. Stúlkan sagði við bílstjórann að hún væri ómeidd og hélt hann því leiðar sinnar. Skömmu síðar kom í ljós að hún var með minniháttar meiðsli á fæti. Meira

Bjóða brúðhjónunum til Íslands

15:25 Iceland Express ætlar að bjóða breskum brúðhjónum til Íslands en parið varð fyrir því að brotist var inn hjá því á brúðkaupsnóttina og peningum sem ætlaðir voru í brúðkaupsferð til Íslands stolið. Brúðurin fór að gráta af gleði er hún fékk símtalið frá Iceland Express. Meira

Karl biskup í Kenía

15:34 Karl Sigurbjörnsson biskup Íslands hefur undanfarna tvo daga heimsótt starfssvæði íslenskra kristniboða í Pókothéraði í Keníu ásamt Jónasi Þórissyni framkvæmastjóra Hjálparstarfs kirkjunnar. Meira

Um 65% með leka púða

Búið er að skoða um 100 konur sem eru með PIP-púða.

15:16 Rúmlega 100 konur sem erum með PIP-brjóstapúða eru búnar að koma í ómskoðun hjá Krabbameinsfélaginu. Um 65% þeirra eru með leka púða. Meira

Veita Hvít-Rússum aðstoð

Rauði krossinn aðstoðar fólk í Hvíta-Rússlandi

14:50 Rauði kross Íslands hefur sent neyðarstyrk sem nemur tveimur milljónum króna til aðstoðar fórnarlömbum kuldabylgjunnar í Hvíta-Rússlandi en frost í landinu hefur farið niður fyrir þrjátíu gráður á síðustu vikum. Meira

Er hóflega bjartsýnn

Steingrímur J. Sigfússon, efnahags- og viðskiptaráðherra, er nú staddur í Bretlandi.

14:42 Steingrímur J. Sigfússon sjávarútvegsráðherra fór yfir stöðuna í makríldeilunni með sjávarútvegsráðherra Bretlands á fundi í Lúndunum í gær. „Ég skynjaði alveg sama áhuga á því að ná samkomulagi eins ég hef gert í Brussel og víðar. En að sama skapi þá viðurkenna menn það að þetta er dálítið flókið og ber mikið í milli.“ Meira

„Engin minnihlutastjórn“

14:30 Nýr meirihluti í bæjarstjórn Kópavogs hefur hug á að lækka fasteignagjöld í bænum. Fara á í söluátak á lóðum, en tugir lausra byggingalóða eru óbyggðar. Um 44% þeirra sem kusu í síðustu sveitarstjórnarkosningum standa á bak við nýja meirihlutann. Meira

Áfallin staða A-deildar í plús

14:44 Áfallin staða A-deildar LSR, þ.e. skuldbindingar umfram eignir, nam í árslok 2010 tæpum 4,2 milljörðum króna eða 2,5% af eignum. Þetta segir í sameiginlegri yfirlýsingu frá fjármálaráðuneytinu og Fjársýslu ríkisins. Meira

Fastur á Ódrjúgshálsi í nótt

14:30 „Það er skelfilegt að búa við þetta árið 2012,“ segir Helgi Auðunsson, eigandi flutningafyrirtækisins Nönnu á Patreksfirði, en flutningabíll frá fyrirtækinu sat fastur á Ódrjúgshálsi í alla nótt vegna erfiðrar færðar. Hann átti að vera kominn til Patreksfjarðar í morgun, en var enn ekki kominn kl. 14 í dag. Meira

ESB og Noregur taki sér 90% makrílkvótans

Össur Skarphéðinsson, utanríkisráðherra, ásamt Mariu Damanaki, yfirmanni sjávarútvegsmála í framkvæmdastjórn Evrópusambandsins.

14:26 „Það er því að okkar áliti tímabært að senda Íslandi mjög sterk pólitísk skilaboð í aðdraganda næstu viðræðna í Reykjavík þannig að Íslendingar komi að borðinu með raunhæft samningsumboð.“ Meira