Bretar óttuðust skort á fiski og frönskum

Í vikunni sem leið sáu bæði breskir fiskverkendur í Grimsby og Hull og eigendur hefðbundinna fiskiveitingastaða fram á hráefnisskort ef ekki tækist að koma greiðslum í gegnum breska bankakerfið til íslenskra útgerða. Á tímabili leit út fyrir skort á þjóðarrétti Breta, fisk og frönskum á norðanverðum Bretlandseyjum.

Á fréttavefnum FISHupdate.com  kemur fram að því hafi verið afstýrt eftir að þingmaður Grimsby Austin Mitchell gekk í málið og útskýrði stöðuna fyrir Englandsbanka.

Ensku bankarnir töldu í kjölfar þess að Gordon Brown lét frysta innistæður Íslenskra banka á Englandi að ekki væri hægt að eiga viðskipti við íslenska banka og ógnaði það viðskiptum með íslenskan fisk.

Í Grimsby eru um 27 þúsund tonn af íslenskum fiski unnin á ári hverju og sagði Steve Norton framkvæmdastjóri samtaka fiskverkenda í Grimsby sagði í viðtali við BBC að störf fiskverkenda og fiskiveitingastaðirnir sömuleiðis verið í hættu vegna þessara vandræða.

• 8 blogg um fréttina

Bloggað um fréttina

• Kolbrún Hilmars: Sömu reglur eiga að gilda
• Emil Örn Kristjánsson: Gott á ykkur!
• Reynir W Lord: Þeir eiga ekki að fá Fisk frá okkur.
• Haraldur Bjarnason: Þeir gátu það sem Davíð gat ekki
• Axel Jóhann Hallgrímsson: Sá hlær best sem síðast.....
• S i g u r ð u r S i g u r ð a r s o n: Við eigum lítið sökótt við Breta
• Hallgrímur Guðmundsson: Engin ástæða til að óttast
• Birgir Þór Bragason: Finnum aðra kaupendur