Þorsteinn Gunnarsson rektor Háskólans á Akureyri hefur ákveðið að láta af embætti næsta vor. Hann tilkynnti þetta á fundi háskólaráðs í morgun og síðan öllum starfsmönnum skólans með tölvupósti í dag, skv. heimildum Morgunblaðsins.
Háskólinn á Akureyri varð tvítugur í fyrra. Þorsteinn er annar rektorinn í sögu skólans. Hann tók við af Haraldi Bessasyni og hefur gegnt starfinu í hálfan annan áratug.