Björgunarsveitir í Borgarnesi voru kallaðar út í dag vegna tveggja tíu ára drengja. Voru drengirnir týndir í um þrjá og hálfan tíma, en þeir höfðu haldið einir í fjallaleiðangur í Svínadal. Komu þeir arkandi niður sjálfir er klukkan var að ganga þrjú. Voru björgunarsveitir þá á leiðinni á vettvang til að hefja leit að drengjunum, enda orðið stutt í myrkur.
Strákarnir voru vel klæddir að sögn lögreglunnar í Borgarfirði, en var þó orðið nokkuð kalt.