Dönsk herþyrla í viðhaldi á Íslandi

Lynx þyrla af danska varðskipinu Triton kom nýverið til viðhalds í skýli Landhelgisgæslunnar á Reykjavíkurflugvelli. Fá flugvirkjar þeirra að nota aðstöðu Gæslunnar en um tíu manns fylgja þyrlunni, þ.e. flugmenn, flugvirkjar og aðrir tæknimenn.

Mikil samvinna hefur ætíð verið á milli Landhelgisgæslunnar og varðskipa danska flotans sem eru við gæslustörf á hafinu umhverfis Grænland, að því er segir í tilkynningu.
 
Fer þyrlan að viðhaldi loknu um borð í varðskipið Hvidbjörnen sem kom til Reykjavíkur á föstudag en gert er ráð fyrir að skipið sigli á morgun áleiðis til Grænlands.

• 1 blogg um fréttina

Bloggað um fréttina

• Árni R: HERÞYRLA!!!!!!!