Innlent | Morgunblaðið | 24.1.2009 | 7:43

Vill 31.461 krónu í bætur

Vilhjálmur Bjarnason.

Eftir Gunnhildi Örnu Gunnarsdóttur gag@mbl.is

Mál Vilhjálms Bjarnasonar, fjárfestis og framkvæmdastjóra Samtaka fjárfesta, og dætra hans gegn stjórn Straums Burðaráss og bankanum sjálfum til vara verður tekið fyrir í Héraðsdómi Reykjavíkur 18. febrúar.

Vilhjálmur og dætur stefndu stjórninni þar sem hún samþykkti að selja 550 milljónir hluta á genginu 18,6 hinn 17. ágúst 2007 en meðalgengið var 19,17 og fór ekki neðar en í 18,9, samkvæmt stefnunni. Hefði verið selt á meðalgenginu hefði fengist 313,5 milljónum króna meira fyrir hlutinn. Félagið hefði því orðið af þeirri fjárhæð.

Vilhjálmur hefur fallið frá veigamesta liðnum í stefnunni, þar sem hann fór fram á 592.632 krónur með vöxtum í bætur þar sem hann var ekki nægilega reifaður, að sögn sækjandans Guðna Á. Haraldssonar. Vilhjálmur fer nú fram á 31.461 krónu í skaðabætur auk vaxta.

„Þetta er prinsípmál,“ segir Guðni og neitar að gefa upp hver greiðir fyrir málsóknina. „Mér er óheimilt að upplýsa það.“

Hann segir að það liggi fyrir að stjórnin seldi fimm prósenta hlut í bankanum einhverjum kaupanda á undirverði. „Fjármálaeftirlitið óskaði eftir upplýsingum um söluna og hóf rannsókn á henni í nóvember 2007 og í júní 2008 óskaði ég eftir upplýsingum um rannsóknina. Svo hrundu bankarnir og ég heyrði í forstöðumanni Fjármálaeftirlitsins nú í desember sem sagði ekkert komið út úr rannsókninni.“

Vilhjálmur hefur skorað á stjórn Straums Burðaráss að upplýsa hver keypti hlutinn. Þeir vísi í að Landsbankinn í Lúxemborg hafi verið viðskiptaaðilinn.

Ekki náðist í Gísla Hall, verjanda Straums Burðaráss.

Í hnotskurn

» Vilhjálmur Bjarnason stefnir Björgólfi Thor Björgólfssyni, Birgi Má Ragnarssyni, Guðmundi Kristjánssyni, Friðriki Hallbirni Karlssyni og James Leitner, en bankanum til vara.

Nánar um málið
í Morgunblaðinu

Áskrifendur:
Lesa blaðið hér

Ekki með áskrift?
Skoða áskriftarleiðir

Innlent »

Valgerður Bjarnadóttir formaður stjórnskipunar- og eftirlitsnefndar.

Klára málið í næstu viku

13:11 Ef Alþingi vísar máli gegn Geir H. Haarde, fyrrverandi forsætisráðherra, frá verða gögn sem safnað hefur verið saman vegna málshöfðunarinnar send á Þjóðskjalasafnið til varðveislu. Stjórnskipunar- og eftirlitsnefnd reiknar með að afgreiða tillögu um afturköllun málsmeðferðar í næstu viku. Meira

Segir rangt farið með málsatvik

13:11 Jón Baldvin Hannibalsson, fyrrverandi utanríkisráðherra og sendiherra segir að ekki sé rétt farið með málsatvik í umfjöllun í Nýju lífi þegar því er haldið fram að hann hafi átt samskipti við vændiskonur er hann var í opinberum erindagjörðum í Tallin. Meira

Gagnrýnir skamman fyrirvara

Örn Bárður Jónsson, prestur og fyrrverandi fulltrúi í stjórnlagaráði.

13:18 „Ég gerði mér vonir um að Alþingi færi rækilega yfir þessar tillögur og skrifaði síðan um þær álit. Ég gerði hins vegar alveg eins ráð fyrir því að hópurinn yrði kallaður saman til skrafs og ráðagerða,“ segir Örn Bárður Jónsson, prestur og einn fulltrúa í stjórnlagaráði. Meira

Afgreiðsla ekki í samræmi við lög

12:27 Umboðsmaður Alþingis hefur komist að þeirri niðurstöðu að skilyrði ríkissaksóknara um að tilgreina beri ástæður þess að óskað sé eftir gögnum í máli sem er lokið, eigi sér ekki stoð í lögum. Er þeim tilmælum beint til embættisins að það endurskoði ákvæði þess efnis. Meira

Hundarnir finna dópið strax

12:00 Undanfarnar þrjár vikur hafa hundar verið í strangri þjálfun í Lögregluskólanum. MBL Sjónvarp fylgdist með einu lokaprófinu þegar þeir leituðu að fíkniefnum sem komið hafði verið fyrir í æfinga-íbúð skólans. Hundarnir nýtast þó til fleiri verka en niðurskurður hefur verið í hundahaldi lögreglunnar. Meira

Börn og unglingar í óhamingjugildru

12:32 Það er ekki nóg að tækifærin séu til, einstaklingurinn þarf að hafa hvata til þess að sjá þá möguleika sem hann hefur á að nýta sér þau,“ segir dr. Sigrún Júlíusdóttir, prófessor í félagsráðgjöf og formaður stjórnar RBF, Rannsóknarstofnunnar í barna- og fjölskylduvernd við félagsráðgjafadeild Háskóla Íslands. Meira

Baðst afsökunar fyrir 12 árum

12:17 „Ég hef ekki séð blaðið og veit ekki hvað stendur í því,“ segir Jón Baldvin Hannibalsson, fyrrverandi utanríkisráðherra og sendiherra, um umfjöllun í Nýju lífi þar sem systurdóttir eiginkonu hans segir frá bréfum sem hann sendi henni er hún var á unglingsaldri. Meira

Ummerki um olíu frá Júratímabilinu

11:54 Nýjar rannsóknir á Drekasvæðinu sýna ummerki um olíu frá Júratímabilinu á hafsbotni og staðfesta tilvist jarðlaga frá miðlífsöld. Þetta kemur fram í frétt á vef Orkustofnunar. Meira

Gerir alvarlegar athugasemdir

Salvör Nordal, fyrrum formaður Stjórnlagaráðs, ásamt fleiri fulltrúum í ráðinu.

11:52 Fram koma alvarlegar athugasemdir við málsmeðferð Alþingis á frumvarpi stjórnlagaráðs að nýrri stjórnarskrá í bréfi fyrrverandi formanns ráðsins, Salvarar Nordal, til forsætisnefndar þingsins í kjölfar þess að samþykkt var á Alþingi í gær að vísa málinu til ráðsins á ný. Meira

Telja neytendur eiga betri rétt

11:36 Hagsmunasamtök heimilanna áttu fund með efnahags- og viðskiptanefnd í gær þar sem rætt var um nýfallinn Hæstaréttardóm um gengistryggð lán. Leggja samtökin til að Samtök fjármálafyrirtækja verði leyst upp með tilliti til þess að þar væri um grundvöll fyrir óheilbrigðan og skaðlegan samráðsvettvang. Meira

D-vítamínbætt mjólk á markað

11:44 Mjólkursamsalan, MS, hefur á næstu dögum sölu á D-vítamínbættri léttmjólk. Er það gert samkvæmt ráðleggingum Embættis landlæknis og rannsóknastofu í næringarfræði við HÍ og Landspítala. Meira

Unnur Brá: Eina lausnin?

11:33 „Svo virðist sem forsætisráðherra hafi aðeins eitt svar við öllum spurningum og eina lausn á öllum vanda, það er að Ísland gangi í ESB og taki upp evru", segir Unnur Brá Konráðsdóttir, alþingismaður, í grein í Morgunblaðinu í dag. Meira

Tæplega helmingur ók of hratt

11:31 Tæplega helmingur ökumanna sem fór um Suðurgötu í Reykjavík á einni klukkustund eftir hádegið í gær ók of hratt eða yfir afskiptahraða. Á meðan lögregla vaktaði götuna fóru 122 ökutæki akstursleiðina og 48% þeirra voru á of mikilli ferð. Meira

Vatnsleki vegna ræktunar

11:05 Lögregla höfuðborgarsvæðisins stöðvaði kannabisræktun í íbúð fjölbýlishúss í miðborg Reykjavíkur í fyrradag. Tilkynnt var um mikinn vatnsleka í húsinu og var slökkviliðið kallað á vettvang, en lekann mátti rekja til ræktunarinnar. Karlmaður á þrítugsaldri var yfirheyrður vegna málsins. Meira

Allt að 25% verðmunur

11:03 Bónus var oftast með lægsta verðið þegar verðlagseftirlit ASÍ kannaði verð í þremur lágverðverslunum og fjórum stórmörkuðum á höfuðborgarsvæðinu og Ísafirði 20. febrúar. Hæsta verðið var oftast að finna hjá Samkaupum-Úrvali eða í um helmingi tilvika. Meira

Umgekkst vændiskonur í opinberum ferðum

11:14 Eitt bréfanna sem Jón Baldvin Hannibalsson sendi ungri systurdóttur eiginkonu sinnar var sent frá Tallinn í Eistlandi árið 2001. Þá var hann þar staddur í opinberum erindagjörðum sem heiðursræðumaður á hátíðarsamkomu, sem var skipulögð af upplýsingaskrifstofu Norræna ráðherraráðsins þar í landi. Hann lýsir þar samskiptum sínum við vændiskonur. Meira

„Ég er komin með nóg“

11:03 „Ég er komin með nóg. Reglulega kemur upp hjá mér reiði, sorg eða biturð yfir þessu máli og nú langar mig að koma því frá mér,“ segir Guðrún Harðardóttir, sem í viðtali í Nýju lífi segir frá bréfum sem eiginmaður móðursystur hennar, Jón Baldvin Hannibalsson, sendi henni er hún var unglingur. Meira

„Pawel virðist eitthvað misskilja ferlið“

10:58 Þór Saari, þingmaður Hreyfingarinnar skrifar á Facebook að Pawel Bartozsek sem sat í stjórnlagaráði og hefur gagnrýnt meðferð þingsins á tillögum þess, virðist eitthvað misskilja ferlið við breytingar á stjórnarskránni. Þór skorar á Pawel að halda áfram að vinna með stjórnlagaráði. Meira