Hættu mótmælum

Hópur fólks úr samtökunum Saving Iceland hlekkjaði sig í morgun við hlið að Helguvíkursvæðinu þar sem álversframkvæmdir Norðuráls eru í gangi. Fólkið hindraði starfsmenn frá að komast til og frá vinnu en hefur nú dregið sig í hlé að sögn lögreglu.

Samkvæmt tilkynningu frá Saving Iceland vill fólkið „stöðva álversframkvæmdirnar í Helguvík til að koma í veg fyrir frekari virkjanir jökuláa og jarðhitasvæða, sem og hinnar hnattrænu afleiðingar álframleiðslu.“

Enginn var handtekinn og að sögn lögreglu fóru mótmælendur að tilmælum lögreglu, drógu sig í hlé og leyfðu umferð að ganga inn og út af svæðinu á ný. Mótmælendurnir eru nú farnir af svæðinu.

• 6 blogg um fréttina

Bloggað um fréttina

• Skríll Lýðsson: Fínt
• Börkur Hrólfsson: Hvílíkir rugludallar
• Unnur Brá Konráðsdóttir: Ást blaðamanna á neikvæðni
• Einar Guðjónsson: Borgum Norðuráli frekar fyrir að týna upp peningana frá ríkissjóði
• Gísli Gíslason: Allur kjánaskapur þessa fólks kemst í fréttirnar.
• Þorri Almennings Forni Loftski: Aftur hefðbundnar aðferðir