Baldvin Jónsson nýr formaður Borgarahreyfingarinnar.

Rétt í þessu var verið að ákveða breytta verkaskiptingu stjórnar Borgarhreyfingarinnar sem þýðir að ný stjórn hefur tekið við og mun sitja fram að aðalfundi hreyfingarinnar sem er fyrirhugaður dagana 12. – 13. september nk. Sáttafundur stendur nú yfir.

Samkvæmt heimildum mbl.is er verkaskipting nýrrar stjórnar eftirfarandi:  

Baldvin Jónsson er formaður, Margrét Rósa Sigurðardóttir varaformaður, Björg Sigurðardóttir situr áfram sem gjaldkeri og Ingifríður Ragna Skúladóttir er ritari stjórnar.

Meðstjórnendur eru, Þór Saari þingmaður, Margrét Tryggvadóttir þingmaður, Guðmundur Andri Skúlason og Sævar Finnbogason.

Var farið eftir eftir atkvæðafjölda á aukaaðalfundi sem haldinn var 13. júní sl.

Boðað var til sáttafundar í  Borgarahreyfingunni í dag í skyni að vinna að sáttum innan hreyfingarinnar.

Fulltrúar sáttanefndar fóru yfir það sem gert hefur verið en vænta má ályktunar frá hreyfingunni seinna í kvöld, þegar fundi er lokið.

Bloggsíða Baldvins Jónssonar

Borgarahreyfingin mbl.is

Baldvin Jónsson, nýr formaður Borgarahreyfingarinnar

• 5 blogg um fréttina

Bloggað um fréttina

• Finnur Bárðarson: Nýr skipstjóri
• Einar B Bragason : Nýtt Líf og Nýr formaður Borgarahreyfingarinnar!
• Sigurður Gunnarsson: Og haldinn ef einhverjir félagar verða eftir!!
• smg: Gott fyrir D, dapurlegt fyrir lýðræðið.
• Jenný Anna Baldursdóttir: Guð forði mér frá umhyggjustjórnmálum