Um hundrað jarðskjálftar sem urðu í grennd við borholu á Hengilssvæðinu eru raktir til þess að Orkuveita Reykjavíkur lét dæla vatni ofan í borholu á svæðinu. Stærstu skjálftarnir voru rúmlega tveir á Richters-kvarða.
Einar Kjartansson, jarðeðlisfræðingur á Veðurstofu Íslands, segir að Veðurstofan hafi fylgst náið með virkninni á Hengilssvæðinu undanfarið og óskað eftir upplýsingum frá OR. Frá mánudegi til fimmtudagskvölds hafi um 100 jarðskjálftar átt upptök á þessu svæði. Margir skjálftanna eigi upptök neðar en holan sem sé rúmlega tveir kílómetrar að dýpt.
Sjá nánari umfjöllun um málið í Morgunblaðinu í dag.