Spila Olsen Olsen upp á peninga

Starfsfólk grunnskóla Árborgar og félagsmiðstöðvarinnar Zelsíuzar á Selfossi hafa sent bréf til foreldra í bænum þar sem kemur m.a. fram að borið hefur á því sl. vikur að unglingar úr grunnskólum sveitarfélagsins hafi verið að spila Olsen Olsen í skólunum eða í félagsmiðstöðinni upp á peninga þótt þeir séu ekki sjáanlegir þegar spilað er.

Þetta kemur fram í blaðinu Dagskránni á Selfossi. Þar segir, að heyrst hafi hjá unglingunum að upphæðirnar, sem lagðar eru undir, hafi hækkað upp á síðkastið og að sumir skuldi yfir 20.000 kr.

Tekið er fram í  bréfinu að það sé bannað að spila upp á peninga í skólum og félagsmiðstöðvum.

• 2 blogg um fréttina

Bloggað um fréttina

• Þórhildur Daðadóttir: Poker, punktur, olsen olsen
• Haukur Baukur: Framtíðar útrásarvíkingar