Ísland stefnir í greiðsluþrot

Þór Saari segir erlenda sérfræðinga sammála honum um að Ísland ...
Þór Saari segir erlenda sérfræðinga sammála honum um að Ísland stefni í greiðsluþrot. mbl.is/ÞÖK

„Ég átti fund með fulltrúum Alþjóðagjaldeyrissjóðsins í dag og þar viðurkenndu þeir að skuldirnar væru hærri en ekki hversu mikið eða hvers vegna,“ segir Þór Saari, þingmaður Hreyfingarinnar. Þór segir erlenda sérfræðinga að miklu leyti sammála honum um að Ísland stefni í greiðsluþrot.

Þór sat fundinn fyrir hönd Hreyfingarinnar sem var um klukkustundar langur en fulltrúar sjóðsins hittu alla fulltrúa stjórnarandstöðunnar á einkafundum í dag.

Aðspurður hvort hann hafi geta fengið úr því skorið hjá fulltrúum sjóðsins hvort skuldir þjóðarbúsins væru komnar yfir þau 310% sem sjóðurinn áætlaði nýverið kveðst Þór ekki hafa fengið nein svör við því.

„Þetta eru tölur sem að okkur finnst mjög einkennilegar,“ segir Þór. „Þetta eru tölur um skuldaþol í rauninni. Upprunalega var skuldahlutfallið 160% og þá lýstu þeir því yfir að ef þær færu í 240% yrðu skuldirnar ósjálfbærar. Svo fór það upp fyrir það og það var allt í lagi og nú er það komið upp fyrir 310%. Þetta eru einkennilegar mælingar og einkennilegar réttlætingar hjá þeim. Ég verð að viðurkenna það.“

- Af hverju?

„Í fyrsta lagi vegna þess að þeir skipta um skoðun í hvert einasta skipti sem að skuldirnar hækka. Ef skuldirnar færu í 240% átti skuldaþol Íslands að vera orðið ósjálfbært. Nú er það komið upp í 310% og það hringdi engum viðvörunarbjöllum. Þeir sögðu bara að þetta væri allt í lagi. Nú er það komið upp fyrir 310% og það er enn þá allt í lagi.“

Með aðra samsetningu en Seðlabankinn

- Telur þú að ef skuldirnar eru komnar upp fyrir 310% að við ráðum ekki lengur við þær sem þjóðarbú?

„Það er ekki einu sinni vitað hvað er inn í þessum 310%. Ég var að reyna að fá út úr þeim í dag hvað væri þarna að baki. Þeir eru með öðruvísi samsetningu á þessum skuldum en Seðlabankinn. Þeir hafa yfirleitt miðað við brúttóskuldir hjá Alþjóðagjaldeyrissjóðnum og það er yfirleitt sú tala sem að notuð er en núna segja þeir að það þurfi ekki að hafa neinar áhyggjur af því að nettó skuldastaðan sé allt í lagi.

En nettó skuldastaða er aldrei notuð í svona mælingum. Þeir slá í og úr eftir því hvað hentar. Ég er menntaður hagfræðingur og ég hef aldrei séð svona tölur. Þetta er fordæmalaust. Bara skuldir ríkissjóðs eru brjálæðislegar miðað við hlutfall af þjóðarframleiðslu. Afborganir og greiðslur af þeim eru mjög háar.“

Ríkið getur ekki borgað skuldirnar

- Getur ríkið staðið undir þessu?

„Ég held ekki. Ég hef sagt það oft áður. Ég held ekki.“

- Þú vilt sem sagt meina að Ísland stefni í greiðsluþrot?

„Já. Ég vil meina að svo sé. Það varð ljóst fyrir talsvert löngu síðan en menn þráast við. Það stendur í skýrslu Alþjóðagjaldeyrissjóðsins að skuldir Íslands næstu fimm árin eru ekki sjálfbærar.“

„Fráleit harka“ vegna Icesave

Inntur eftir því hvers vegna hann telji að fulltrúar sjóðsins séu ekki að segja Íslendingum alla söguna bendir Þór á þá kenningu að það sé vegna þrýstings af hálfu Breta og Hollendinga sem að þrýst sé á um að staðið verði við skuldbindingar vegna Icesave.

- Jafnvel þó að fulltrúar Breta og Hollendinga hjá sjóðnum viti að Ísland stefni mögulega í greiðsluþrot?

„Já, jafnvel. Harka Breta og Hollendinga í þessu máli er náttúrulega alveg fráleit. Fulltrúar sjóðsins viðurkenndu það við mig í dag að það væri ekkert athugavert við fyrirvarana við Icesave-samkomulagið sem að samþykktir voru í sumar og að þeir hefðu lagt að Bretum og Hollendingum að samþykkja þá en þeir gerðu það ekki.“

Þór segir aðgerðir stjórnvalda ganga gegn viðreisn efnahagslífsins.

„Það er alltaf verið að róa í sömu átt, áfram fram af bjargbrúninni. Við krefjumst þess að ríkisstjórnin viðurkenni skuldastöðu landsins og að hún sé ekki sjálfbær og að það þurfi að leita annarra leiða. Þeim rökum er hafnað.“

Þór kveðst hafa í síðustu viku verið á fundi hjá OECD þar sem hann hafi fengið tækifæri til að ræða við erlenda sérfræðinga.

„Þeir komast að svipaðri niðurstöðu og ég.“

- Að Ísland stefni í greiðsluþrot?

„Já, að skuldirnar sé orðnar of miklar til að við stöndum undir þeim. Nema hvað að hér er hægt að beita rúmenskum aðferðum og keyra allt niður í einhvers konar fátækt næstu 20 árin ef að menn vilja. En þá stöndum við frammi fyrir því að við missum fólkið úr landi í staðinn. Það dæmi mun ekki ganga upp heldur.“

Þór Saari.
Þór Saari. mbl.is/Árni Sæberg
mbl.is

Innlent »

Hlýnar í veðri

Í gær, 23:01 Eftir nokkra jökulkalda daga á landinu er nú von á að það taki að hlýna í veðri.   Meira »

„Crossfit bjargaði lífi mínu“

Í gær, 21:06 Fjórir dagar eru í settan dag hjá dr. Önnu Huldu Ólafsdóttur, lektor við verkfræðideild HÍ, og afrekskonu í crossfit. Það stoppar hana hins vegar ekki í því að gera upphífingar, ketilbjöllusveiflur og hnébeygjur með lóðum. Hún hefur deilt myndböndum af æfingunum og fengið góð viðbrögð, langoftast. Meira »

„Þarna er ég að skjóta Rússa“

Í gær, 19:48 „Þarna er ég að skjóta Rússa, þetta voru stríðsárin,“ segir Þórarinn „Póri“ Jónasson um teikningu sem prýðir forsíðu bókarinnar: Póri skoðar heiminn sem Jónas Sveinsson faðir hans skrifaði um miðja síðustu öld. Handritið fannst fyrir um 20 árum og er nú orðið að bók. Meira »

Tafðist í fjóra tíma í Frankfurt

Í gær, 19:08 Þrjár flugvélar Icelandair hafa tekið á loft eftir að hafa setið fastar á flugvöllum í Evrópu vegna ísingar. Á flugvellinum í Frankfurt voru miklar tafir og sat flugvél Icelandair föst í fjóra tíma. Meira »

NASA gerði undanþágu vegna Öræfajökuls

Í gær, 19:04 Sigketillinn í Öræfajökli hefur víkkað og sprungumynstrið er orðið greinilegra eins og sjá má á nýjum gervitunglamyndum af jöklinum. NASA hefur gert sérstaka undanþágu og myndað jökulinn utan úr geimnum við aðstæður sem yfirleitt er ekki myndað í. Meira »

Ætlaði að hjálpa en var stunginn

Í gær, 18:56 Klevis Sula, sem lést af áverkum sem hann hlaut í hnífstunguárás á Austurvelli, hafði ætlað að rétta árásarmanninum hjálparhönd. Sá hafi hins vegar ráðist á Kelvis að tilefnislausu. Meira »

Leiðir til að lyfta fólki upp úr fátækt

Í gær, 18:04 „Það er afar brýnt að bæta kjör og auka lífsgæði okkar fólks. Skerðingar, krónu á móti krónu, verður að afnema strax og það er margt fleira sem við leggjum áherslu á að verði að veruleika í fjárlagavinnu Alþingis,“ segir formaður Öryrkjabandalagsins. Meira »

„Höfum öll okkar hlutverki að gegna“

Í gær, 18:11 „Við vorum fulltrúar þeirra þúsunda sem hafa tjáð sig og það er heiður að hafa fengið að standa á sviðinu með þessum konum,“ segir Katrín Jakobsdóttir forsætisráðherra. Meira »

Hlegið og grátið í Borgarleikhúsinu

Í gær, 17:33 Halldóra Geirharðsdóttir endaði upplestur sinn á frásögn konu sem var áreitt af samstarfsmanni nú um helgina á viðburði fyrirtækisins. Frásagnir kvenna af áreitni, misrétti og ofbeldi voru lesnar upp í Borgarleikhúsinu í dag. Meira »

Slógust fyrir utan búð

Í gær, 17:26 Rétt fyrir klukkan 13 í dag var lögreglunni á höfuðborgarsvæðinu tilkynnt um slagsmál á milli tveggja karlmanna fyrir utan matvöruverslun í Kópavogi. Meira »

Ungmenni á ótraustum ís

Í gær, 17:22 Lögreglunni á höfuðborgarsvæðinu barst um klukkan 14 í dag tilkynning um að nokkur ungmenni væru komin út á íshellu sem lá yfir hluta Lækjarins í Hafnarfirði. Meira »

Hundi bjargað úr reykfylltri íbúð

Í gær, 16:44 Rúmlega fjögur í dag var slökkviliðið á Ísafirði kallað út vegna reyks sem lagði frá húsi á Hlíðarvegi. Í ljós kom að pottur hafði gleymst á eldavél. Meira »

Fjölmenni í Borgarleikhúsinu

Í gær, 16:03 Fjöldi fólks er mættur í Borgarleikhúsið til þess að hlýða á konur úr mismunandi starfsstéttum samfélagsins lesa upp frá konum frásagnir sem litið hafa dagsins ljós í #metoo-byltingunni hér á landi að undanförnu. Meira »

Eldur kom upp í bifreið

Í gær, 14:41 Eldur kom upp í kyrrstæðri bifreið við Kolaportið í Reykjavík um klukkan ellefu í morgun samkvæmt upplýsingum frá slökkviliði höfuðborgarsvæðisins. Meira »

Ósannað hverjir voru að verki

Í gær, 13:42 Rannsókn á skemmdarverkum á heimili Rannveigar Rist fyrir um áratug var hætt þar sem ekki tókst að sýna fram á með óyggjandi hætti að þeir sem grunaðir voru um verknaðinn og yfirheyrðir vegna hans hafi verið að verki. Meira »

Býst við magnaðri heilun

Í gær, 15:29 „Það er eitthvað magnað við að heyra sögur upphátt, vera á staðnum og eiga samveru um þetta. Við trúum á einhverja mögnun eða einhvers konar heilun við það,“ segir Halldóra Geirharðsdóttir, leikkona og ein af skipuleggjendum #metoo viðburðarins í Borgarleikhúsinu í dag. Meira »

Varað við því að flætt gæti yfir veginn

Í gær, 14:25 Krapastífla er við brúna á Jökulsá á Fjöllum á þjóðvegi 1 samkvæmt upplýsingum frá Vegagerðinni. Vegfarendur eru beðnir að aka varlega þar sem flætt gæti yfir veginn. Meira »

Eins og ég sé að fremja hjúskaparbrot

Í gær, 13:25 „Mér líður stundum eins og ég sé að fremja hjúskaparbrot, þegar ég hoppa úr einu verkefni yfir í annað. Ætli ég sé ekki með átta eða níu ólík verkefni í gangi núna." Meira »

Börnin sem kerfið gleymdi

Til sölu Mitsubishi Outlander 2007
1 eigandi frá upphafi, ekinn aðeins 75.000 km. 5 gíra, bensín, 4WD, ný dekk, nýj...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
Ukulele
...
 
Félagsstarf
Staður og stund
Aflagrandi 40 Opin vinnustofa kl. 9 og j...
Framhald
Nauðungarsala
Uppboð Einnig birt á www.naudungarsolu...
Framhald
Nauðungarsala
Uppboð Einnig birt á www.naudungarsolu...
Framhald uppboðs
Nauðungarsala
Uppboð Einnig birt á www.naudungarsolu...